Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ДУШАНБЕ, 16.04.2026. /АМИТ «Ховар»/. 15 апрел дар ноҳияи Айнӣ бахшида ба зодрӯзи Қаҳрамони Тоҷикистон, сардафтари адабиёти муосири тоҷик Устод Садриддин Айнӣ ҳамоиши илмӣ-адабӣ ва фарҳангӣ баргузор гардид.
Тавре аз Мақомоти иҷроияи ҳокимияти давлатии ноҳияи Айнӣ ба АМИТ «Ховар» иттилоъ доданд, пеш аз оғози ҳамоиш дар назди пайкараи Устод Садриддин Айнӣ гулчанбар гузошта шуд.
Иброз гардид, ки Устод Садриддин Айнӣ (1878-1954) аз шахсиятҳои миллатсоз буда, дар бунёду эҳё ва таҳкими забони модарӣ ва суннатҳои миллии тоҷикӣ нақши мондагор дорад. Зиндагӣ ва корномаи Устод Айнӣ нишони он аст, ки ҳастии як миллатро на фақат силоҳу зӯри бозу ва марзҳои мустаҳкаму сарбозонаш нигаҳ медоранд, балки хирад, фарҳанг, илму дониш ва маърифати баланд низ метавонад дар баробари силоҳ нигаҳдор ва пуштбони ҳувияти як халқ бошад.
Садриддин Айнӣ бо эҷодиёташ на танҳо адабиёти тоҷикро пойдор намуд, балки ба мо меъёрҳои баланди маънавӣ ва худшиносии миллиро мерос гузошт. Аз ин рӯ, гиромидошти шахсият ва осори ӯ вазифаи ҳар сокини мамлакат мебошад.
Иштирокдорони ҳамоиш доир ба фаъолияти пурсамари Устод Айнӣ ва саҳми ӯ дар рушди забони адабии тоҷикӣ маъруза намуданд.
Ҳамчунин дар ин рӯз нусхаҳои «Куллиёт»-и Устод Садриддин Айнӣ, ки аз ҷониби Институти забон ва адабиёти ба номи Абӯабдулло Рӯдакии Академияи миллии илмҳои Тоҷикистон ба табъ расидааст, рӯнамоӣ гардиданд. Куллиёти тозанашр барои таҳқиқу омӯзиши амиқтари мероси устод заминаи мусоид фароҳам меорад.
АКС: Мақомоти иҷроияи ҳокимияти давлатии ноҳияи Айнӣ
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
Дар Душанбе Рӯзи фарҳанги ноҳияи Варзоб баргузор шуд
