Дар ноҳияи Мастчоҳ дар беш аз 12 ҳазор гектар пунбадона кишт карда мешавад
ДУШАНБЕ, 15.04.2026. /АМИТ «Ховар»/. Тибқи дурнамои соли 2026 дар ноҳияи Мастчоҳ кишти зироати баҳорӣ дар 19 ҳазору 631 гектар ба нақша гирифта шуда, аз ин миқдор 12 ҳазору 430 гектари он ба кишти пунбадона рост меояд. Ҳоло кишти пунбадона дар ҳама ҷамоатҳои ноҳия идома дорад. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Мастчоҳ хабар доданд.
Ҳамзамон соли равон кишти пунбадона дар зери плёнка дар зиёда аз 3 ҳазор гектар ба нақша гирифта шуда, талаботи хоҷагиҳои деҳқонӣ ба ин усули кишт сол ба сол афзоиш меёбад. Ин омил ҳамчун яке аз роҳҳои самараноки баланд бардоштани ҳосилнокӣ ва истифодаи оқилонаи захираҳои обу замин арзёбӣ мегардад.
Аз ҷумла, дар хоҷагии деҳқонии «Навбаҳор»-и деҳоти Навбаҳор масоҳати умумии заминҳои хоҷагӣ 59 гектарро ташкил дода, дар зиёда аз 40 гектари он пунбадона кишт карда шудааст. Дар заминҳои боқимонда зироати полезӣ, хӯроки чорво ва дигар намуди маҳсулоти кишоварзӣ кишт карда мешавад.
Инчунин дар хоҷагии деҳқонии «Шоҳамин» дар зиёда аз 9 гектар пунбадонаи навъи элита кишт карда шуда, корҳои агротехникӣ тибқи талабот гузаронида мешаванд.
Бо назардошти иқтидори аграрии ноҳия ва татбиқи технологияҳои пешрафта интизор меравад, ки кишоварзони ноҳияи Мастчоҳ имсол низ ба натиҷаҳои назаррас ноил гардида, дар таъмини бозори дохилӣ бо ашёи хоми кишоварзӣ саҳми арзанда гузоранд.
АКС: Мақомоти иҷроияи ҳокимияти давлатии ноҳияи Мастчоҳ
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
