СОЛИ ОБОДОНИЮ БУНЁДКОРӢ. Дар шаҳраки Сарводаи ноҳияи Айнӣ Боғи фарҳангӣ-фароғатӣ бунёд карда мешавад
ДУШАНБЕ, 22.04.2026 /АМИТ «Ховар»/. Дар шаҳраки Сарводаи ноҳияи Айнӣ сохтмони Боғи фарҳангӣ-фароғатии ба номи Исмоили Сомонӣ оғоз гардид. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.
Тавре иттилоъ дода шуд, масоҳати умумии боғ 1,5 гектарро ташкил дода, барои анҷоми корҳои сохтмонӣ беш аз 6,2 миллион сомонӣ маблағ пешбинӣ шудааст. Бунёди чунин иншооти фарҳангӣ барои фароҳам овардани шароити мусоид ба хотири истироҳати бофароғати сокинон аҳамияти калон дошта, дар он тамоми инфрасохтори зарурӣ фароҳам оварда мешавад.
Дар шаҳрак инчунин сохтмони маҷмааи биноҳои баландошёнаи истиқоматӣ оғоз гардид. Биноҳо аз ҷониби Ҷамъияти дорои масъулияти маҳдуди «Нури Дар-дар» мутобиқ ба талаботи замон сохта мешаванд. Дар асоси лоиҳа дар ошёнаи якум маркази савдо ва хизматрасонӣ, таваққуфгоҳи зеризаминӣ, майдончаи бозии кӯдакон ва ҷойи истироҳати калонсолон пешбинӣ шудааст.
Дар назар аст, ки барои таъмини шароити муносиби зиндагӣ мактабу кӯдакистон низ сохта шавад.
АКС: Хадамоти матбуоти Раиси вилояти Суғд
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
