Масъалаҳо оид ба мониторинг ва таҳлили корҳо дар самти рушди низоми суғуртаи Тоҷикистон баррасӣ шуданд
ДУШАНБЕ, 03.05.2026 /АМИТ «Ховар»/. Масъалаҳо оид ба мониторинг ва таҳлили корҳои амалигашта, баррасии монеаҳои мавҷуда ва муайян намудани роҳҳои ҳалли онҳо дар самти рушди низоми суғуртаи мамлакат дар ҷаласаи кории маҷозӣ, ки дар Бонки миллии Тоҷикистон баргузор гардид, баррасӣ карда шуданд.
АМИТ «Ховар» бо истинод ба Бонки миллии Тоҷикистон иттилоъ медиҳад, ки ҷаласа дар доираи марҳилаи дуюми лоиҳаи кумаки техникии Вазорати молияи Амрико доир шуд. Дар он муовини раиси Бонки миллии Тоҷикистон Сироҷиддин Икромӣ ва мушовири калони хизматрасониҳои бонкию молиявии Раёсати кумакҳои техникии Вазорати молияи Амрико Паула Ҷонс иштирок намуданд.
Гуфта шуд, ки дар натиҷаи ҳамкории самараноки дуҷониба заминаи муҳим барои рушди соҳаи суғурта фароҳам оварда шуда, инфрасохтори асосии он тавассути ҷорӣ намудани механизмҳои муосири муҳосибот ва танзими амалиёти суғуртавӣ бо назардошти принсипҳои асосии суғурта ташаккул ёфтааст. Дар ин замина мақомоти назорати суғуртавии Тоҷикистон барои мутобиқ намудани низом ба стандартҳои байналмилалӣ ва таҳкими иқтидори танзимию назоратӣ тадбирҳои заруриро амалӣ менамояд.
Дар идома масъалаҳои марбут ба ҳисоботи молиявии ташкилоти суғуртавӣ таҳлил гардида, барои такмили онҳо ва бартараф намудани мушкилоти мавҷуда тавсияҳои амалӣ пешниҳод карда шуданд. Гуфта шуд, ки татбиқи нақшаҳои пешбинишудаи лоиҳа то соли 2030 идома ёфта, барои рушди устувор ва такмили минбаъдаи низоми суғуртаи мамлакат заминаи боэътимод фароҳам меорад.
АКС: Бонки миллии Тоҷикистон
Натиҷаҳои рушди иқтисодии Тоҷикистон дар Таиланд муаррифӣ гардиданд
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
Ҷаласаи панелии соҳавии «Шарикии рушд: тасмимҳои бонкӣ ва суғуртавӣ барои ҷомеаи соҳибкорӣ» баргузор шуд
ҚУРБИ АСЪОР: 1 доллари ИМА аз 9.1600 то 9.2430 сомонӣ муқаррар шудааст
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Намояндагони Тоҷикистон дар мулоқоти вазирони молия ва раисони бонкҳои марказии кишварҳои Қафқоз ва Осиёи Марказӣ иштирок намуданд
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
