Дар Фестивали байналмилалии гастрономӣ дар Беларус 20 намуди таоми миллии тоҷикон пешниҳод гардид
ДУШАНБЕ, 15.06.2026 /АМИТ «Ховар»/. Кормандони Сафорати Ҷумҳурии Тоҷикистон дар Ҷумҳурии Беларус дар Фестивали байналмилалии гастрономии «Дипломатия вкуса», ки бо ташаббуси Вазорати корҳои хориҷии Ҷумҳурии Беларус ташкил гардид, ба иштирокдорон таомҳои тоҷикиро пешниҳод намуданд.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Беларус хабар доданд, дар фестивал ҷониби Тоҷикистон дар баробари 16 намояндагии дипломатӣ, гӯшаи миллиро бо намоиши мероси ғании ошпазии мамлакат, ки дар он зиёда аз 20 навъи таом ва нӯшокиҳои миллӣ пешниҳод гардида буданд, ташкил намуд.
Ҷойгоҳи асосиро дар дастархон «Оши палав» — таоми миллие, ки рамзи фарҳанги тоҷикон буда, ба Феҳристи мероси ғайримоддии ЮНЕСКО шомил гардидааст, ишғол намуд. Ҳамчунин самбӯсаҳои гуногун, таоми қадимаи қурутоб, дегкабоб, нонҳои гарм, манту, чак-чак, ҳалво ва чойи кабуди хушбӯй таваҷҷуҳи зиёди меҳмононро ба худ ҷалб намуданд.
Меҳмонони фестивал бо махсусиятҳои таомҳои миллии тоҷикон, таърих ва анъанаҳои онҳо шинос шуда, фазои дӯстӣ ва самимиятро эҳсос намуданд.
Иштирок дар фестивал имконияти муҳими таҳкими робитаҳои фарҳангӣ, муаррифии анъанаҳои миллӣ ва тарғиби мероси ғании таърихию фарҳангии Ҷумҳурии Тоҷикистон гардид.
АКС: Сафорати Ҷумҳурии Тоҷикистон дар Ҷумҳурии Беларус
Дар Сафорати Тоҷикистон дар Швейтсария Рӯзи Ваҳдати миллӣ таҷлил карда шуд
Тоҷикистон ва Қатар бахшида ба Соли байналмилалии маърифати ҳуқуқӣ дар Женева чорабинӣ баргузор намуданд
Дар Вашингтон бо иштироки соҳибкорони Тоҷикистон ва ИМА мизи мудаввар баргузор шуд
Сафири Тоҷикистон ба Вазири корҳои хориҷии Давлати Кувайт нусхаи эътимоднома супорид
Ташаббусҳои ҷаҳонии Тоҷикистон дар соҳаи об ва иқлим дар Бангкок муаррифӣ шуданд
Дар Вашингтон дурнамои ҳамкории Тоҷикистон бо ИМА дар бахшҳои сиёсӣ ва илмӣ баррасӣ шуд
Густариши ҳамкории Тоҷикистон ва Амрико баррасӣ шуд
Байни Тоҷикистон ва Амрико машваратҳои сиёсӣ баргузор шуданд
Мафалда Дуарте: «Тоҷикистон дар пешбурди рӯзномаи ҷаҳонии иқлим мавқеи пешсаф дорад»
Ташаббуси навбатии ҷаҳонии Тоҷикистон дар чаҳорчӯби ИДМ муаррифӣ карда шуд
Ҳамкории Тоҷикистон бо Дафтари Комиссари олии Созмони Милали Муттаҳид оид ба паноҳандагон баррасӣ шуд
Тавсеаи ҳамкорӣ байни Тоҷикистон ва Эрон баррасӣ гардид
