Дар Институти масъалаҳои об, гидроэнергетика ва экология бо намояндагони Агентии байналмилалии энергияи атомӣ мулоқот доир гардид
ДУШАНБЕ, 04.06.2026 /АМИТ «Ховар»/. 2 июн дар Институти масъалаҳои об, гидроэнергетика ва экологияи Академияи миллии илмҳои Тоҷикистон бо намояндагони Агентии байналмилалии энергияи атомӣ вохӯрӣ баргузор гардид. Дар ин хусус АМИТ «Ховар» бо истинод ба Институти масъалаҳои об, гидроэнергетика ва экология хабар медиҳад.
Дар вохӯрӣ роҳбарияти институт бо сардори бахши Департаменти техникӣ дар Аврупои Агентии байналмилалии энергияи атомӣ хонум Сандра Мария масъалаҳои ҳамкории илмӣ-техникӣ, татбиқи технологияҳои муосир дар самти идоракунии захираҳои об, омӯзиши муҳити зист ва истифодаи усулҳои изотопӣ дар таҳқиқоти илмиро мавриди баррасӣ қарор доданд.
Ҷонибҳо оид ба имкониятҳои густариши ҳамкории муштарак дар доираи лоиҳаҳои илмӣ-тадқиқотӣ, баланд бардоштани сатҳи тахассуси мутахассисон, ҷалби олимони ҷавон ба барномаҳои байналмилалӣ ва татбиқи таҷрибаҳои пешрафтаи ҷаҳонӣ мубодилаи афкор намуданд.
Намояндагони Агентии байналмилалии энергияи атомӣ бо самтҳои асосии фаъолияти институт, дастовардҳои илмӣ ва иқтидори илмии муҳаққиқони тоҷик шинос шуда, омодагии худро барои рушди минбаъдаи ҳамкории судманд иброз доштанд.
Таъкид гардид, ки тақвияти ҳамкории байналмилалӣ дар соҳаи илм ва технология барои ҳалли масъалаҳои мубрами вобаста ба захираҳои об, тағйирёбии иқлим, гидроэнергетика ва ҳифзи муҳити зист аҳамияти муҳим дошта, ба рушди устувори ҷумҳурӣ мусоидат менамояд.
АКС: Институти масъалаҳои об, гидроэнергетика ва экологияи Академияи миллии илмҳои Тоҷикистон
Забони тоҷикӣ дар фазои рақамӣ: аз пайкараи матнӣ то истилоҳоти ягона
Рӯзи дарҳои кушоди Академияи хурди илмҳои Тоҷикистон баргузор шуд
Масъалаҳои рушди ҳамкории илмӣ ва омӯзишу ҳифзи бозёфтҳо бо гурӯҳи бостоншиносони хориҷӣ баррасӣ гардиданд
Рушди инноватсионии кимиё ва технологияҳои кимиёвии муосир дар конфронси илмӣ баррасӣ гардид
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
Институти астрофизика бо таҷҳизоти муосири астрономӣ таъмин гардид
Озмоишгоҳҳои таҳлили канданиҳои фоиданок ва омода кардани намунаи ашёи минералӣ ба истифода дода шуданд
Имрӯз дар Тоҷикистон тирамоҳи астрономӣ оғоз шуд
Озмоишгоҳи муборизаи интегратсионӣ бар зидди зараррасонҳои зироати кишоварзӣ ба истифода дода шуд
Байни Академияи миллии илмҳои Тоҷикистон ва Донишгоҳи Фирдавсии Машҳад Ёддошти тафоҳум ба имзо расид
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
