Кирмакпарварони шаҳри Ҳисор нақшаи истеҳсоли пилларо сад фоиз иҷро намуданд
ҲИСОР, 12.06.2026 /АМИТ «Ховар»/. Кирмакпарварони шаҳри Ҳисор 10 ҳазору 400 килограмм пилла истеҳсол намуданд, ки баробар ба 100 фоизи нақшаи пешбинигардида мебошад. Дар ин хусус намояндаи Ҷамъияти саҳомии кушодаи «Пиллаи тоҷик» дар шаҳри Ҳисор Азимҷон Мирзоазизов ба мухбири минтақавии АМИТ «Ховар» иттилоъ дод.
Дар шаҳри Ҳисор 400 қуттии кирмак ба 174 хоҷагии кирмакпарвари ҷамоатҳои шаҳраку деҳоти шаҳр тақсим гардид. Хоҷагиҳо сари вақт нақшаи истеҳсоли пилларо иҷро намуданд.
Соли равон Ҷамъияти саҳомии кушодаи «Пиллаи тоҷик» дар шаҳри Ҳисор аз кирмакпарварон як килограмм пиллаи омехтаи истеҳсолшударо ба маблағи 20 сомонӣ харидорӣ намуд, ки аз ин онҳо фоидаи хуб ба даст оварданд.
Дар ҳудуди шаҳри Ҳисор 98 ҳазору 382 бех дарахти калони тути қаторӣ ва 157 гектар тутзор мавҷуд аст. Инчунин дар доираи рушди пиллапарварӣ дар шаҳри Ҳисор соли 2025-2026 дар ҷамоатҳои шаҳраку деҳоти шаҳр 10 гектар тутзор бунёд карда шуд.
Бояд гуфт, ки Ҳукумати Ҷумҳурии Тоҷикистон ба рушди соҳаи кирмакпарварӣ ва коркарди пилла чун заминаи воқеӣ барои тавсеаи саноати сабук дар мамлакат эътибори ҷиддӣ медиҳад. Бо ин мақсад «Барномаи рушди соҳаи кирмакпарварӣ ва коркарди пилла барои солҳои 2020-2024» мавриди амал қарор дорад.
Субҳониддини МАҲМУД,
АМИТ «Ховар»
АКС: Мақомоти иҷроияи ҳокимияти давлатии шаҳри Ҳисор
Исломиддин Раҳмон: «Яке аз вазифаҳои олии стандартизатсия ҳифзи ҳаёт ва саломатии инсон мебошад»
Тоҷикистон ва Ҷопон бунёди пули нав аз болои дарёи Кофарниҳонро баррасӣ намуданд
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
