Мақолаи илмии олимони тоҷик дар яке аз маҷаллаҳои бонуфузи байналмилалӣ ба чоп расид
ДУШАНБЕ, 28.07.2026 /АМИТ «Ховар»/. Мақолаи илмии олимони Академияи миллии илмҳои Тоҷикистон таҳти унвони «Таҳлили омории сохтори шуғли аҳолӣ аз рӯи намудҳои фаъолияти иқтисодӣ дар Ҷумҳурии Тоҷикистон» (Statistical Analysis of the Structure of Population Employment by Type of Economic Activity in the RT) дар маҷаллаи бонуфузи байналмилалии Regional Science and Environmental Economics, ки аз ҷониби нашриёти байналмилалии MDPI ба табъ мерасад, ба нашр расид.
Тавре АМИТ «Ховар» бо истинод ба Академияи миллии илмҳо хабар медиҳад, дар мақола масъалаҳои таҳлили сохтори шуғли аҳолӣ аз рӯи намудҳои фаъолияти иқтисодӣ дар Ҷумҳурии Тоҷикистон мавриди омӯзиши амиқи оморӣ қарор гирифта, тағйироти сохтории иқтисоди миллӣ дар давраи солҳои 2011-2022 баррасӣ шудаанд. Дар асоси маълумоти расмии оморӣ, тамоюлҳои асосии бозори меҳнат, тағйироти таркибии шуғли аҳолӣ, нақши соҳаҳои иқтисодӣ дар таъмини шуғл ва равандҳои рушди иҷтимоию иқтисодии мамлакат таҳлил гардидаанд.
Натиҷаҳои таҳқиқот нишон медиҳанд, ки бахши кишоварзӣ то ҳол яке аз самтҳои асосии шуғли аҳолӣ боқӣ монда, ҳамзамон ҳиссаи соҳаҳои хизматрасонӣ, маориф, тандурустӣ ва дигар бахшҳои иқтисодӣ тадриҷан афзоиш ёфтааст. Ин равандҳо аз тағйироти мусбати сохтории иқтисодиёти миллӣ ва мутобиқшавии бозори меҳнат ба талаботи нави рушди иҷтимоию иқтисодӣ шаҳодат медиҳанд.
Ба нашр расидани чунин мақола дар маҷаллаи байналмилалии сатҳи баланд бозгӯи афзоиши нуфузи илмии Ҷумҳурии Тоҷикистон, тақвияти ҳамгироии олимони мамлакат бо ҷомеаи илмии ҷаҳон ва натиҷаи сиёсати хирадмандонаи давлат дар самти рушди илму инноватсия мебошад.
АКС: Академияи миллии илмҳои Тоҷикистон
Дар минтақаи ҷануби Тоҷикистон барои омӯзиши гуногунии микробӣ намунаҳои хок ҷамъоварӣ карда шуданд
Ба ифтихори 145-солагии Қаҳрамони Тоҷикистон Нусратулло Махсум конференсияи байналмилалӣ доир мешавад
Дар Институти физикаю техника озмоишгоҳи замонавии электроникаи квантӣ ба истифода дода шуд
БАРДОШТУ ТААССУРОТ АЗ ЁДДОШТУ ХОТИРОТ. Дар ҳошияи «Ёддоштҳо»-и муҳаққиқ, сиёсатшинос ва адиби пуркори миллӣ Саймумин Ятимов
20 олим аз Тоҷикистон узви пайваста ва вобастаи Академияи илмҳои Осиё интихоб шуданд
НИШАСТИ МАТБУОТӢ. Олимони тоҷик барои ихтироъ 11 патент ба даст оварданд
ҚУДРАТИ ИЛМӢ — КАФИЛИ СОҲИБИСТИҚЛОЛӢ ВА АМНИЯТУ СУБОТИ ҶОМЕА. Мулоҳизаҳо дар ин маврид
ПЕШВОИ МИЛЛАТ ВА МАРҲАЛАИ НАВИ ТАҲКИМИ СУЛҲИ ҶАҲОНӢ. Дар ҳошияи қабули Қатъномаи Маҷмаи Умумии СММ оид ба эълони «Даҳсолаи байналмилалӣ оид ба таҳкими сулҳ ба хотири наслҳои оянда»
ПИРЯХИ ТОҶИКИСТОН — БУЗУРГТАРИН ПИРЯХИ КӮҲИИ САЙЁРА. Омӯзиши он бояд ҳамчун вазифаи муҳими илмӣ ва давлатӣ идома ёбад
Озмоишгоҳи растаниҳои шифобахш ва фарматсевтика ба истифода дода шуд
Дар Душанбе густариши ҳамкории байналмилалӣ дар самти амнияти биологӣ баррасӣ шуд
Конфронси IV байналмилалии илмӣ-амалии «Вазъи кунунӣ ва дурнамои рушди энергетикаи барқароршаванда» баргузор шуд
