НИШАСТИ МАТБУОТӢ. Корҳо дар ду марҳилаи лоиҳаи «Харитаи электронии шаҳри Душанбе» пурра ба анҷом расидаанд
ДУШАНБЕ, 17.07.2026 /АМИТ «Ховар»/. Дар шаҳри Душанбе то имрӯз беш аз 3700 хизматрасонии давлатӣ пурра ба тариқи электронӣ ба роҳ монда шудааст. Дар ин хусус имрӯз зимни нишасти матбуотии Мақомоти иҷроияи ҳокимияти давлатии шаҳри Душанбе муовини якуми Раиси шаҳри Душанбе Бахтиёр Шарифӣ ба хабарнигорон иттилоъ дод.
Иброз гардид, ки дар доираи татбиқи барномаи электронии «Пардохти ҳушманд» то ин муддат 308 сохтори корхонаву муассисаҳои шаҳрӣ, вазорату идораҳо ва 18 бонки мамлакат ба барномаи мазкур пайваст гардиданд.
Иттилоъ дода шуд, ки корҳо дар доираи лоиҳаи «Харитаи электронии шаҳри Душанбе», ки татбиқи он аз 6 марҳила иборат мебошад, дар айни замон дар 2 марҳила, аз ҷумла дар марҳилаи харитасозӣ ва тарҳрезии система пурра ба анҷом расидаанд. Корҳо дар марҳилаҳои боқимонда тибқи нақша идома доранд.
Бахтиёр Шарифӣ иброз намуд, ки шаҳри Душанбе бо татбиқи босамари барномаю нақшаҳои рушди иқтисодию рақамӣ, амалӣ намудани қарорҳои ҳушманду зеҳнӣ ва густариши технологияҳои баланд ба марҳилаи нав ва муассири идоракунии шаҳрӣ қадам гузоштааст.
Дар ҷараёни нишасти матбуотӣ иттилоъ дода шуд, ки дар айни замон дар доираи лоиҳаҳои «Шаҳри ҳушманд» татбиқи беш аз 20 лоиҳаи гуногуни ҳушманд амалӣ гардидааст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
«Фестивали тобистонаи Душанбе – 2026» бо барномаи бошукуҳи фарҳангию фароғатӣ ҷамъбаст гардид
«ФЕСТИВАЛИ ТОБИСТОНАИ ДУШАНБЕ-2026»: Пойтахти Тоҷикистон ба муносибати 35-солагии Истиқлоли давлатӣ мизбони ҷашни фарҳангиву фароғатӣ гардид
Кормандони сохторҳои шаҳри Душанбе бо мавзеъҳои таърихию сайёҳии минтақаи Кӯлоб шинос шуданд
Раиси шаҳри Душанбе Рустами Эмомалӣ дар маросими ифтитоҳи дуюмин Чемпионати ҷаҳон оид ба гӯштини миллӣ (гӯштингирӣ) иштирок намуданд
Раиси шаҳри Душанбе бо Раиси шаҳри Шероз мулоқот намуданд
Раиси шаҳри Душанбе Рустами Эмомалӣ бо дастовардҳои сокинони вилояти Суғд шинос шуданд
Кормандони сохторҳои шаҳри Душанбе бо имконияти сайёҳии шаҳри Ваҳдат ва дараи Ромит шинос гардиданд
Олимпиадаи даставӣ барои дарёфти «Ҷоми Сарраёсати маорифи шаҳри Душанбе» доир гардид
35-СОЛАГИИ ИСТИҚЛОЛИ ДАВЛАТӢ. Дар шаҳри Душанбе беш аз 6500 иншоот бунёду навсозӣ гардидааст
Кормандони мақомоти шаҳри Душанбе бо имконияти сайёҳӣ ва инфрасохтори энергетикии шаҳри Норак шинос шуданд
Барои кормандони сохторҳои пойтахт ба мавзеъҳои сайёҳии Балҷувон ва Ховалинг хатсайр ташкил гардид
Дар Душанбе 35-солагии Истиқлолияти давлатии Тоҷикистон ботантана ҷашн гирифта мешавад
