Рӯзи фарҳанги ноҳияи Мастчоҳ шукуҳманд таҷлил карда шуд
ДУШАНБЕ, 11.07.2026 /АМИТ «Ховар»/. Имрӯз дар Боғи фарҳангию фароғатии «Кӯли ҷавонон» бахшида ба 35-солагии Истиқлоли давлатии Ҷумҳурии Тоҷикистон Рӯзи фарҳанги ноҳияи Мастчоҳ бо шукуҳу шаҳомати хосса ва бо иштироки васеи сокинону меҳмонони пойтахти мамлакат баргузор гардид, иттилоъ медиҳад АМИТ «Ховар».
Намоишгоҳ фарогири маҳсулоти кишоварзӣ, меваю сабзавоти тару тоза, маҳсулоти саноатӣ, ҳунарҳои мардумӣ, таомҳои миллӣ, дастовардҳои иҷтимоию иқтисодӣ ва намунаҳои фарҳанги ғании ноҳияи Мастчоҳ буда, диққати меҳмононро ҷалб намуд.
Раиси ноҳияи Мастчоҳ Аъзам Ализода зимни ифтитоҳи Рӯзи фарҳангӣ иброз дошт, ки дастовардҳои имрӯзаи Тоҷикистони соҳибистиқлол маҳсули сиёсати хирадмандона ва созандаи Президенти Ҷумҳурии Тоҷикистон муҳтарам Эмомалӣ Раҳмон мебошанд.
Ҳамчунин таъкид гардид, ки баргузории Рӯзҳои фарҳангии шаҳру ноҳияҳо дар шаҳри Душанбе барои муаррифии дастовардҳо, имкониятҳо ва фарҳанги миллӣ заминаи мусоид фароҳам меорад. Мавсуф аз таваҷҷуҳу ғамхориҳои пайвастаи Пешвои миллат муҳтарам Эмомалӣ Раҳмон нисбат ба рушди минтақаҳои маилакат ёдовар шуда, изҳор дошт, ки мардуми ноҳияи Мастчоҳ бо руҳияи баланди ватандӯстӣ дар татбиқи сиёсати созандаи давлату Ҳукумат саҳми арзандаи худро мегузоранд.Рӯзҳои фарҳангӣ ҳамчун таҷассумгари дӯстиву ҳамдилӣ, муаррифгари фарҳанги миллӣ ва дастовардҳои даврони соҳибистиқлолӣ мамлакат мебошад.
Иштирокдорон иброз доштанд, ки баргузории рӯзҳои фарҳанги шаҳру ноҳияҳо дар шаҳри Душанбе барои муаррифии дастовардҳо, имконоти иқтисодӣ ва фарҳанги миллӣ заминаи мусоид фароҳам меорад.
Ба сокинон ва меҳмонони пойтахт сатҳу сифат ва тарҳи намоиши маҳсулоти кишоварзиву саноатӣ, маҳсули дасти ҳунармандони мардумӣ, таомҳои миллӣ ва дастовардҳои иҷтимоию иқтисодии ноҳияи Мастчоҳ писанд омад. Инчунин сокинони пойтахт аз намоиш-фурӯши маҳсулоти кишоварзӣ дастранҷи деҳқонони ноҳияро бо нархҳои дастрас харидорӣ намуданд.
Дар идомаи чорабинӣ бо иштироки ҳунармандон ва санъаткорони ноҳия барномаи бошукуҳи фарҳангӣ манзури меҳмонон гардид. Суруду таронаҳои дилнишин, рақсу оҳангҳои миллӣ ва саҳнаҳои ҷолиби ҳунарӣ ба чорабинӣ ҳусни тоза бахшиданд.
АКС: АМИТ «Ховар»
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
КИШОВАРЗИИ ТОҶИКИСТОН ДАР 35 СОЛИ ИСТИҚЛОЛИЯТ. Истеҳсоли ғалладонагӣ 6 маротиба зиёд шудааст
«ФЕСТИВАЛИ ТОБИСТОНАИ ДУШАНБЕ-2026»: Пойтахти Тоҷикистон ба муносибати 35-солагии Истиқлоли давлатӣ мизбони ҷашни фарҳангиву фароғатӣ гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
Имрӯз дар боғҳои шаҳри Душанбе рӯзҳои фарҳанги ВМКБ ва ноҳияи Файзобод баргузор мегарданд
Дар даврони соҳибистиқлолии Тоҷикистон 70 корхонаи дорусозӣ ба фаъолият оғоз намуд
Дар Душанбе рӯзи фарҳанги ноҳияҳои Ишкошим ва Мурғоб баргузор шуд
Шурои ҳамоҳангсозии рақамӣ дар соҳаи алоқа таъсис ёфт
Дар вилояти Хатлон қисми бештари кӯдакон аз омодагӣ ба мактаб берун мемонанд
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
«ТАБЛИҒГАРОНИ ИСТИҚЛОЛ». Гурӯҳи тарғиботӣ-ташвиқотӣ фаъолияти занони ҳунарманд ва коргоҳҳои истеҳсолиро муаррифӣ менамояд
