Рӯзи фарҳанги шаҳри Левакант дар фазои идона баргузор гардид
ДУШАНБЕ, 19.07.2026 /АМИТ «Ховар»/. Дар Боғи фарҳангию фароғатии «Кӯли ҷавонон» Рӯзи фарҳанги шаҳри Левакант дар фазои идона баргузор гардид, иттилоъ медиҳад АМИТ «Ховар».
Рӯзи фарҳанги шаҳри Левакант чун дигар ноҳияҳои мамлакат бо намоиши маҳсулоти кишоварзӣ, меваҷот, сабзавот, маҳсулоти саноатӣ ва намунаҳои ҳунарҳои мардумӣ оғоз гардид. Инчунин ҳунарҳои сӯзанидӯзӣ, кулолгарӣ, заргарӣ ва дигар маҳсулоти дастӣ, дар гӯшаҳои гуногуни боғ намунаҳои таомҳои миллии хоси ноҳия пешкаши сокинону меҳмонони пойтахт гардонида шуд.
Ҳар маҳсулот дар растаҳо бо маҳорати хос оро ёфта буд. Ин намоиши фарҳангӣ бори дигар ҳамбастагӣ, худшиносии миллӣ ва эҳёи ҳунарҳои мардумии сокинони ноҳияи Левакантро ба намоиш гузошт. Дар идома бо иштироки ҳунармандону устодони санъат шоми фарҳангӣ доир гардид.
Рӯзҳои фарҳанги шаҳру ноҳияҳо тибқи «Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаю ҳунарҳои мардумӣ дар Ҷумҳурии Тоҷикистон барои соли 2026», ки бо амри Президенти Ҷумҳурии Тоҷикистон 2 январи соли 2026 тасдиқ шудааст, моҳҳои июн-августи соли равон тибқи нақшаи алоҳида гузаронида мешаванд.
Шаҳри Левакант (собиқ шаҳри Сарбанд) зодаи даврони истиқлолият мебошад. Левакант асосан шаҳри саноатӣ буда, шумораи корхонаҳои саноатии он имрӯз беш аз 29 ададро ташкил медиҳад. Дар шаҳр барои сайёҳон тамоми шароити хизматрасонии маишӣ мавҷуд аст. Шаҳри Левакант ҳамчунин таъминкунандаи неруи барқ буда, дорои силсиланеругоҳҳои барқии обии «Вахш», неругоҳи «Левакант» ва неругоҳи «Марказӣ» мебошад.
АКС: Тоҳирҷон САИДЗОДА/АМИТ «Ховар»
НИШАСТИ МАТБУОТӢ. Дар ноҳияи Лахш 90 иншооти таъйиноти гуногун ба истифода дода шуд
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
«ОФТОБ ДАР ХУРРАМЗАМИН». Таҳти чунин унвон бахшида ба 35-солагии Истиқлолияти давлатӣ китоби нав ба нашр расид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Душанбе беш аз 6500 иншоот бунёду навсозӣ гардидааст
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар Панҷакент 40 бинои баландошёна ба истифода дода мешавад
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Роҳбарияти Осорхонаи миллии Тоҷикистон бо ҳафриёти бостоншиносӣ дар ёдгории бостонии Сайёд шинос шуд
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
