Байни Академияи миллии илмҳои Тоҷикистон ва Донишгоҳи Фирдавсии Машҳад Ёддошти тафоҳум ба имзо расид
ДУШАНБЕ, 22.09.2026 /АМИТ «Ховар»/. Байни Академияи миллии илмҳои Тоҷикистон ва Донишгоҳи Фирдавсии Машҳад Ёддошти тафоҳум ба имзо расид. Дар ин хусус АМИТ «Ховар» бо истинод ба Академияи миллии илмҳо хабар медиҳад.
Ёддошти тафоҳум 21 сентябр дар шаҳри Душанбе зимни мулоқоти президенти Академияи миллии илмҳои Тоҷикистон Қобилҷон Хушвахтзода бо раиси Донишгоҳи Фирдавсии Машҳад Абдурризо Ҷавон Ҷаъфарии Буҷнурдӣ ба имзо расонида шуд. Ҳадафи асосии Ёддошти тафоҳум ба роҳ мондан ва рушди муносибатҳои академӣ, таҳкими ҳамкории илмӣ ва фароҳам овардани заминаи мусоид барои татбиқи ташаббусҳои муштарак дар соҳаи илм ва таҳсилот мебошад.
Дар ёддошт таҳияи стратегияи муносиб барои мубодила ва қабули донишҷӯёни зинаҳои бакалавр, магистратура, докторантура ва муҳаққиқони баъдидокторӣ, баргузории машғулияти таълимӣ, барномаҳои рушди малакаҳо, иштирок дар конфронсҳо, машваратҳо, вохӯриҳо ва муҳокимаҳои илмӣ, инчунин ташкили конфронсҳои байналмилалӣ пешбинӣ шудааст.
Ҳамзамон дар санад ба рушди таълими забони форсӣ дар Академияи миллии илмҳои Тоҷикистон бо дастгирии Донишгоҳи Фирдавсии Машҳад таваҷҷуҳи махсус зоҳир шудааст. Ин иқдом барои таҳкими робитаҳои забонӣ, фарҳангӣ ва илмии байни ду мамлакат заминаи мусоид фароҳам меорад.
Ҳамзамон тарафҳо барои иштирок дар лоиҳаҳои муштараки таҳқиқотӣ, ки аз ҷониби ҳукуматҳои Ҷумҳурии Тоҷикистон ва Ҷумҳурии Исломии Эрон ташкил ва дастгирӣ карда мешаванд, ҳамкорӣ хоҳанд намуд.
Зимни мулоқот таъкид гардид, ки густариши робитаҳои илмӣ байни муассисаҳои илмӣ ва таҳсилоти олии Тоҷикистон ва Эрон барои рушди минбаъдаи илму маориф, табодули таҷриба ва истифодаи самараноки имконияти мавҷуда заминаи мусоид фароҳам меорад.
АКС: Академияи миллии илмҳои Тоҷикистон
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
Дар Конфронси генералии АБНА таҷрибаи Тоҷикистон доир ба барқарорсозии иншооти мероси уранӣ муаррифӣ карда шуд
Бахшида ба 115–солагии Нависандаи халқии Тоҷикистон Сотим Улуғзода конференсияи ҷумҳуриявӣ доир гардид
Дар Вена ҳамкории Тоҷикистон бо Агентии байналмилалии неруи атомӣ баррасӣ гардид
Масоили таҳкими ҳамкорӣ байни академияҳои илмҳои Тоҷикистон ва Чин баррасӣ гардид
Намояндагони Тоҷикистон дар иҷлосияи 70-уми Конфронси генералии Агентии байналмилалии неруи атомӣ иштирок доранд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
ЗЕҲНИ СУНЪӢ ВА УФУҚҲОИ НАВИ РУШДИ ИЛМ. Андешаҳо оид ба ташаббуси ҷаҳонии Тоҷикистон ва астрономияи муосир
Дар назди Институти ботаника, физиология ва генетикаи растаниҳо якумин Бонки генетикии растаниҳо ба фаъолият оғоз кард
Дар самти пешгирӣ, ошкорсозӣ ва вокуниш ба таҳдидҳои марбут ба маводи химиявӣ, биологӣ, радиатсионӣ ва ядроӣ тадбирҳои муҳим андешида мешавад
Оид ба омӯзиши яхбандии абадӣ экспедитсияи байналмилалии илмӣ-таҳқиқотӣ анҷом дода шуд
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
