Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
ДУШАНБЕ, 04.11.2026 /АМИТ «Ховар»/. 4 ноябр дар шаҳри Бишкеки Ҷумҳурии Қирғизистон чорабинии сатҳи баланди Барномаи махсуси Созмони Милали Муттаҳид барои иқтисодиёти Осиёи Марказӣ – СПЕКА баргузор гардид. Дар кори он Вазири рушди иқтисод ва савдои Тоҷикистон Абдураҳмон Абдураҳмонзода иштирок намуд. Дар ин хусус ба АМИТ «Ховар» аз ин вазорат хабар доданд.
Зимни баррасии масъалаҳои ҳамкории минтақавӣ Абдураҳмон Абдураҳмонзода рушди пайвастагии нақлиётӣ, такмили долонҳои бисёрсамта, густариши ҳамкорӣ дар соҳаи энергетика, ба хусус истифодаи манбаъҳои энергияи «сабз» ва барқароршаванда, инчунин рақамикунонии расмиёти нақлиётиро аз самтҳои афзалиятноки ҳамкории давлатҳои минтақа арзёбӣ намуд.
Иброз гардид, ки татбиқи ташаббусҳои муштарак дар ин самтҳо метавонад ба таҳкими робитаҳои иқтисодии минтақавӣ, рушди инфрасохтори нақлиётиву энергетикӣ ва тавсеаи имконоти тиҷоратии давлатҳои Осиёи Марказӣ мусоидат намояд.
Ёдовар мешавем, ки Форуми иқтисодии СПЕКА яке аз чорабиниҳои муҳими минтақавӣ буда, ҳамасола дар яке аз кишварҳои Осиёи Марказӣ баргузор мегардад. Тоҷикистон соли 2024 мизбони ин форум буд, ки таҳти унвони «Рушди сабз дар минтақаи СПЕКА» доир гардид.
Барномаи махсуси Созмони Милали Муттаҳид барои иқтисодиёти Осиёи Марказӣ (СПЕКА) соли 1998 бо ташаббуси Созмони Милали Муттаҳид таъсис ёфта, ҳадафи асосии он мусоидат ба рушди иқтисодӣ ва таҳкими ҳамкории минтақавӣ мебошад.
АКС: Вазорати рушди иқтисод ва савдои Ҷумҳурии Тоҷикистон








Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
ЗЕҲНИ СУНЪӢ — ИМКОНИЯТ, МАСЪУЛИЯТ ВА ОЯНДАИ ИНСОН. Он ба ҷузъи муҳими ҳаёти инсон табдил ёфтааст
Дар Душанбе масъалаи тақвияти рақамикунонии давлатӣ баррасӣ гардид
Намояндагони Тоҷикистон дар Симпозиуми Созмони ҷаҳонии гумрук дар Брюссел иштирок намуданд
Ширкати ҳавопаймоии Shohin Airlines парвозҳои мунтазами дохилиро ба чор шаҳри Тоҷикистон оғоз менамояд
Сеюмин конференсияи солонаи Платформаи минтақавӣ оид ба татбиқи босуръати Конвенсияи СММ бар зидди коррупсия дар Осиёи Марказӣ доир шуд
Вилояти Хатлони Тоҷикистон ва вилояти Новосибирски Русия ҳамкорӣ менамоянд
Дар Анталия Павилиони миллии Тоҷикистон дар доираи COP31 ифтитоҳ гардид
Тоҷикистон дар доираи COP31 ҳамоиши байналмилалӣ доир намуд
Платформаи минтақавӣ оид ба татбиқи босуръати Конвенсияи СММ бар зидди коррупсия дар Осиёи Марказӣ оғоз гардид
Дар Тоҷикистон ҳолатҳои вайрон кардани қоидаҳои ҳаракат дар роҳҳо беш аз 7 фоиз зиёд шудааст
Ҳайати Тоҷикистон дар Конфронси 31-уми тарафҳои Конвенсияи қолабии СММ оид ба тағйирёбии иқлим иштирок намуд






