روز دوشنبه 8 فوریه در کاخ ملت مجلس حکومت جمهوری تاجیکستان تحت ریاست امامعلی رحمان،  بنیانگذار صلح و وحدت ملی، پیشوای ملت، رئیس جمهوری تاجیکستان، رئیس حکومت کشور برگزار گردید .

در مجلس نخست وزیر و اعضای حکومت کشور، راهبر دستگاه اجرائیه رئیس جمهوری تاجیکستان، دیگر مسئولان دستگاه، راهبران وزارت‌ها، کمیته‌ها و آژانسی‌های دولتی، اداره‌های وابسته رئیس جمهور و حکومت کشور، دیگر مسئولان و اداره‌های دولتی شرکت داشتند .

در کار مجلس نخست مسئله کادر‌ها بررسی شده، ضمن آن اعضای نو هیئت مشاوره خدمات نظارت دولتی امنیت امور صناعی و عرصه كوه كاری تایید شد. فهرست تدابیر در مورد اجرای وظیفه‌های پیام رئیس جمهوری تاجیکستان به مجلس عالی نیز پس از بررسی تصدیق گردید.

وابسته به فهرست تدابیر در امور اجرای وظایف پیام رئیس جمهوری تاجیکستان به مجلس عالی از 20 ژانویه سال 2016 سرور دولت امامعلی رحمان تاکید نمود که تطبیق نشان‌داد‌های پیام سال جاری در مجموع در امر گسترش حس ملی، خودشناسی و خودآگاهی اهالی کشور، رشد ‌بخش‌های گوناگون اقتصادی و اجتماعیی، کاهش دادن تأثیر عامل‌های بیرونه، در تحکیم نفوذ و  اعتبار کشورمان در عرصه عالم نقش مؤثر می‌گذارند .

طرح یک عده قانون‌های جمهوری تاجیکستان از جمله در باره لایحه قانون جمهوری تاجیکستان “در باره شرط‌نامه‌های بین‌المللی جمهوری تاجكستان”، در باره لایحه قانون جمهوری تاجیکستان “در باره وارد نمودن تغییرات به قانون نقض حقوق مأموری جمهوری تاجكستان”، در باره لایحه قانون جمهوری تاجیکستان “در باره وارد نمودن تغییرات به قانون مرافیوی جنایتی جمهوری تاجكستان”، در باره لایحه قانون جمهوری تاجیکستان “در باره وارد نمودن تغییرات به قانون کیفری جمهوری تاجیکستان” قبول کرده شده، برای بررسی به مجلس نمایندگان ارسال گردید .

دو خلاصه حکومت جمهوری تاجیکستان — یکی به لایحه قانون جمهوری تاجیکستان “در باره وارد نمودن تغییرات به قانون جمهوری تاجیکستان “در باره سند‌های معیاری حقوقی” و به لایحه قانون جمهوری تاجیکستان “در باره وارد نمودن تغییرات به قانون مرافیوی شهروندی جمهوری تاجكستان” نیز معقول دانسته شده، به بررسی مجلس نمایندگان مجلس عالی جمهوری تاجیکستان پیشنهاد گردید .

برنامه دولتی رشد مؤسسه‌های فرهنگی جمهوری تاجیکستان و طرح شهرک عبدالرحمن جامی تصدیق کرده شد .

اطلاع داده شد که حالا مساحت عمومی مرکز ناحیه عبدالرحمان جامی 739,6 هکتار، تعداد اهالی 12 هزار نفر و راه‌های ماشین رو 30 کیلومتر را تشکیل می‌دهد و با درنظرداشت افزایش اهالی ضرورت بنیاد شهرک معاصر پیش آمده‌است .

امامعلی رحمان، رئیس جمهوری تاجیکستان وابسته به توسعه امور آبادانی و سازندگی از جمله بنیاد مراکز فرهنگی – تفریحی، منزل‌های مسکونی و مأموری، ساختمان انشائات گوناگون پاسخگو و به معیار‌های معماری و رشد ‌بخش‌های مهم، اینچنین جلب صاحب‌کاران وطنی دستور و سپارش‌های مشخص داد .

در انجام کار مجلس بعد بررسی مسئله‌ها امامعلی رحمان، رئیس جمهوری تاجیکستان به اعضای حکومت کشور و راهبران ساختار‌های ذی دخل برای اجرای سریع و باصفت کار‌ها وابسته به تدابیر آبادانی و  سازندگی، توسعه امور نشاندن درخت در مملکت و دیگر نقشه‌ها دستور و  سپارش‌های مشخص داد .