سفیر افغانستان در تاجیکستان: طرح “کاسا-1000” عامل آرامی و صلح و ثبات در منطقه است

عبدالغفور آرزو، سفیر جمهوری اسلامی افغانستان در تاجیکستان گفت: لایحه “کاسا-1000” تنها یک طرح اقتصادی انرژی نبوده، آن پیام نور و روشنایی می‌باشد.

وی افزود: لایحه مذکور باعث آن می‌شود که بین تاجیکستان، افغانستان، پاکستان و قرقیزستان و شاید در آینده هند یک همگرایی منافع ملی به وجود آید.

سفیر افغانستان در تاجیکستان تصریح کرد: هر قدر منافع ملی و اقتصادی این کشورها به همدیگر نزدیک باشد، به همان تناسب در منطقه صلح و ثبات به وجود می‌آید. افغانستان یک کشور تجارتی و ترانزیتی بوده، ما خوشحالیم، که کاسا – 1000 از طریق افغانستان به جمهوری اسلامی پاکستان انتقال می‌شود. از همین سبب این لایحه – لایحه خیلی بزرگ برای مردم افغان به شمار می‌رود. ما خوشحالیم که تاجیکستان از طریق افغانستان می‌تواند برق را به دیگر کشورها انتقال دهد. کاسا – 1000 تنها لایحه اقتصادی نیست، آن عامل آرامی و صلح و ثبات در منطقه و فردای روشن برای همه کشورهای منطقه است.