سفر رسمی پیشوای ملت به جمهوری اندونزی

بنیان‌گذار صلح و وحدت ملی – پیشوای ملت، رئیس جمهوری تاجیکستان محترم امامعلی رحمان روز یکشنبه برای انجام سفر رسمی و شرکت در دوازدهمین همایش عمومی‌جهانی اسلامی اقتصادی به شهر جاکارتای جمهوری اندونزی سفر کرد.

در فرودگاه بین‌المللی دوشنبه امامعلی رحمان، رئیس جمهوری تاجیکستان را محمدسعید عبیدالله‌اف، رئیس مجلس ملی مجلس عالی جمهوری تاجیکستان، شکورجان ظهوراف، رئیس مجلس نمایندگان مجلس عالی جمهوری تاجیکستان، قاهر رسولزاده، نخست وزیر جمهوری تاجیکستان، مظفر عشوریان، معاون یکم رهبر دستگاه اجرائیه رئیس جمهوری تاجیکستان و دیگر اشخاص رسمی گسیل نمودند.

در این سفر امامعلی رحمان، رئیس جمهوری تاجیکستان را سراج‌الدین اصل اف، وزیر خارجه جمهوری تاجیکستان، اعظمشاه شریفی، یاور رئیس جمهوری تاجیکستان در امور روابط خارجی، نعمت‌الله حکمت الله زاده، وزیر رشد اقتصاد و تجارت، شفقت بابازاده، وزیر صنایع و تکنولوژی های جدید، قادر قاسم، رئیس کمیته دولتی سرمایه‌گذاری و اداره اموال دولتی، نورمحمدزاده جمشید، رئیس بانک ملی تاجیکستان و دیگر اشخاص رسمی همراهی می‌کنند.

برنامه سفر رسمی امامعلی رحمان، رئیس جمهوری تاجیکستان به جمهوری اندونزی ملاقات و مذاکرات سطح دوجانبه، صحبت و ملاقات ها با رهبران کشورها و سازمان های بانفوذ بین‌المللی، اینچنین شرکت در دوازدهمین همایش عمومی‌جهانی اسلامی اقتصادی را فرا می‌گیرد.

قرار است در جریان سفر رسمی پیشوای ملت امامعلی رحمان به جمهوری اندونزی مجموع جدید  اسناد همکاری دوجانبه به امضا ‌رسند.

این سومین بازدید امامعلی رحمان، رئیس جمهوری تاجیکستان به جمهوری اندونزی بوده، نخستین سفر امامعلی رحمان به این کشور در سال 2003 صورت گرفته بود. ضمن این سفر دولتی بین دو کشور 7 سند همکاری به امضا رسیده است، که برای رشد مناسبات دوجانبه دو کشور با هم دوست و برادر زمینه مساعد فراهم آورده است.