صلاح الدین ربانی از پشتیبانی های پیوسته جمهوری تاجیکستان اظهار سپاس کرد

صلاح الدین ربانی، وزیر امور خارجه جمهوری اسلامی افغانستان از حمایت و پشتیبانی های پیوسته جمهوری تاجیکستان و بنیان گذار صلح و وحدت ملی – پیشوای ملت محترم امامعلی رحمان، رئیس جمهوری تاجیکستان که همیشه برای تامین امنیت و ثبات در کشور افغانستان به جامعه جهانی و سازمان های بین المللی پیشنهاد های جالب می نمایند اظهار سپاس کرد.

به گزارش خاور، وزیر امور خارجه افغانستان امروز پس از دیدار با پیشوای ملت در صحبت با خبرنگاران ابراز داشت که در ملاقات طرفین مسائل مهم مناسبات تاجیکستان و افغانستان را مورد بررسی قرار دادند.

ربانی افزود: در این دیدار آنها به ضرورت تقویت روابط اقتصادی دو کشور تاکید کرده اند.

وزیر امور خارجه افغانستان اظهار باور کرد که ملاقات امروز با پیشوای ملت امامعلی رحمان به توسعه روابط اقتصادی میان دو کشور و مبارزه با تروریسم و افراط گرایی مساعدت می کند.