بررسی مسائل تقویت روابط امنیتی تاجیکستان و افغانستان

روزهای 7 الی 9 مه سال جاری هیات کمیته دولتی امنیت ملی جمهوری تاجیکستان در راس سیمومن یتیم اف، رئیس کمیته به شهر کابل، پایتخت افغانستان سفر و بت نمایندگان بلندپایه این کشور دیدار و گفتگو کردند.

به گزارش خبرگزاری خاور، هیات تاجیکستان در چارچوب این سفر با محمد معصوم ستانکزی، رئیس امنیت ملی افغانستان، بهرام طارقشاه، وزیر دفاع، احمد ویس برمک، وزیر امور داخلی و حنیف ایمر، مشاور رئیس جمهور افغانستان در امور امنیتی دیدار و گفتگو و مسائل مبارزه با تروریسم، تأمین امنیت مرز دولتی دو کشور، جلوگیری از قاچاق مواد مخدر و سلاح و دیگر موضوعات مربوط به تأمین امنیت منطقه را بحث و بررسی کردند.

هیات تاجیکستان همچنین، توسط محمد اشرف غنی، رئیس جمهور جمهوری اسلامی افغانستان پذیرفته شد و اراده رهبران سیاسی هر دو کشور در مورد تحکیم مناسبات نیک همجواری و موقع واحد در مسائل مقابله با خطرات و تهدیدات تأکید گردید.