افتتاح پرچم و نشان دولتی در ناحیه درواز

در مرکز ناحیه درواز بنیان‌گذار صلح و وحدت ملی – پیشوای ملت محترم امامعلی رحمان، رئیس جمهوری تاجیکستان در وضع مطنطن ستونپایه پرچم ملی و نشان دولتی جمهوری تاجیکستان را افتتاح کردند.

پرچم دولتی جمهوری تاجیکستان در مرکز ناحیه با ارتفاع 30 متر قامت افراخته، 7 متر پهنای و 14 متر امتداد دارد. ارتفاع نشان دولتی، که در کنار پرچم احداث شده است، 15 متر را تشکیل می‌دهد. همچنین در نزد نشان و پرچم دولتی تاج با پهنایی 12 و امتداد 14 متر بنیاد شده است.

پس از افتتاح و مورد بهره‌برداری قرار دادن این پروژه ها بنیان‌گذار صلح و وحدت ملی-پیشوای ملت محترم امامعلی رحمان، رئیس جمهوری تاجیکستان با نمایندگان و فعالان ناحیه درواز ملاقات صمیمی و سازنده انجام دادند.

نخست سرور دولت محترم امامعلی رحمان حاضرین را به مناسبت 27-مین سالگرد استقلالیت دولتی جمهوری تاجیکستان تبریک و تهنیت گفتند.

ضمن سخنرانی خود پیشوای ملت محترم امامعلی رحمان وضع این ناحیه کوهستان کشور را مورد تحلیل و بررسی قرار داده، تأکید نمودند، که محض ثمره استقلالیت دولتی، تدابیر سازنده دولت و حکومت جمهوری تاجیکستان و جانبداری مردم از سیاست سازنده بود، که امروز شرایط کار و زندگی ساکنان ناحیه بهتر گردید.