صاحبکاران کره در توسعه اقتصاد تاجیکستان سهم مناسب خواهند گذاشت

امروز در شهر دوشنبه، پایتخت جمهوری تاجیکستان همایش سه‌جانبه صاحبکاران (تجار) تاجیکستان، ازبکستان و کره برگزار گردید.

در این همایش تجار کره تاکید کردند، که در کنار دیگر کشورها در توسعه اقتصاد جمهوری تاجیکستان سهیم خواهند بود.

فرخ همراعلیزاده، رئیس کمیته دولتی سرمایه‌گذاری و اداره اموال دولتی جمهوری تاجیکستان گفت، که برای نخست بار در شهر دوشنبه برگزار گردیدن همایش سه‌جانبه با حضور صاحبکاران تاجیکستان، ازبکستان و کره قدم مؤثر در سمت توسعه روابط اقتصادی و تجاری سه کشور و جذب سرمایه خارجی به اقتصاد تاجیکستان می باشد.

در همایش سه‌جانبه صاحبکاران تاجیکستان، ازبکستان و کره ذکر گردید، که کره از لحاظ رشد اقتصاد یکی از کشورهای پیشرفته جهان اعتراف گردیده است.

تاکید شد شد، که حکومت جمهوری تاجیکستان با هدف توسعه صاحبکاری و جذب سرمایه خارجی برای رشد عرصه‌های اقتصاد کشور توجه ویژه ظاهر نموده، امتیازهای ‌مالیاتی و گمرکی و دیگر تخفیف هارا برای صاحبکاران وطنی و خارجی پیشنهاد کرده است.

قرار است، در چارچوب همایش سه‌جانبه صاحبکاران و تجار تاجیکستان، ازبکستان و کره در دوشنبه بین شرکت های تولیدکننده سه کشور قراردادهای همکاری به امضا رسند.