امامعلی رحمان، رئیس جمهوری تاجیکستان با زلمی خلیلزاد، نماینده ویژه ایالات متحده آمریکا در امور افغانستان دیدار کرد

دوشنبه، 03.10.2020 /”خاور”/. امروز بنیانگذار صلح و وحدت ملی-پیشوای ملت محترم امامعلی رحمان، رئیس جمهوری تاجیکستان، با زلمی خلیلزاد، نماینده ویژه ایالات متحده آمریکا در امور افغانستان که با سفر کاری به تاجیکستان سفر کرده است، دیدار و گفتگو کرد.

در جریان ملاقات طرفین جنبه های مختلف وضعیت فعلی افغانستان، به ویژه روند مذاکرات صلح بین الافغانی و همچنین موضوعات منطقه ای و جهانی را مورد بحث قرار دادند.

در همین راستا، رئیس جمهوری تاجیکستان تاکید کردند که توسعه اوضاع در کشورهمسایه افغانستان و توسعه روابط چند وجهی تاجیکستان با آن دائما در مرکز توجه ما قرار دارد.

پیشوای ملت تاکید کردند که تاجیکستان از موقعیت دولت افغانستان در تامین امنیت و صلح و ثبات در کشور حمایت و از گفتگوهای بین الافغانی استقبال می کند.

در این دیدار طرفین همچنین در مورد اهمیت پیگیری بیشتر مسائل مربوط به توسعه و گسترش همکاری بین تاجیکستان و ایالات متحده تبادل نظر کردند.

موضوع دیگری که در دستور کار آغاز گفتگوهای صلح بین الافغانی قرار داشت، اوضاع امنیتی کنونی در افغانستان و منطقه بود.

در این راستا، طرفین به لزوم تقویت همکاری در مبارزه مشترک با تهدیدات و چالش های معاصر، از جمله تروریسم ، افراط گرای ، قاچاق مواد مخدر و سایر جرایم سازمان یافته فراملی اشاره کردند.

تاکید شد که تاجیکستان همچنان تلاش خود را برای کمک به حل مشکلات افغانستان و بازسازی اقتصادی و اجتماعی آن با استفاده از همه امکانات و فرصت های موجود ادامه خواهد داد.