رئیس کمیته دولتی امنیت ملی جمهوری تاجیکستان با نماینده ویژه ایالات متحده در امور افغانستان دیدار کرد

دوشنبه، 03.10.2020 /”خاور”/. در تاریخ 3 اکتبر سال جاری، صیمومن یتیم اف، رئیس کمیته دولتی امنیت ملی جمهوری تاجیکستان، با زلمی خلیلزاد، نماینده ویژه ایالات متحده آمریکا در امور افغانستان  که با سفر کاری در تاجیکستان قرار دارد، دیدار و گفتگو کرد.

به گزارش “خاور”، در جریان این ملاقات طرفین در مورد روند مذاکرات صلح بین دولت افغانستان و طالبان در دوحه قطر، اهمیت بازگرداندن ثبات در کشور همسایه، نقش کشورهای همسایه در پیشبرد برنامه صلح افغانستان تبادل نظر کردند.

تاکید شد که نقش تاجیکستان با توجه به مرزهای طولانی آن با جمهوری اسلامی افغانستان، اشتراکات تاریخی، فرهنگی و زبانی فراوان و همچنین چشم انداز تقویت روابط اقتصادی و تجاری در روند صلح افغانستان بسیار مهم است. تجربه تاریخی تاجیکستان در برقراری صلح و سازش ملی و پایان دادن به جنگ داخلی برای همه کشورهای جهان، به ویژه همسایه افغانستان، آموزنده است.

تاکید شد که تامین امنیت مرزی و تقویت همکاری های حرفه ای بین آژانس های امنیتی دو کشور دوست عامل مهمی در تسهیل اجرای پروژه های صلح در افغانستان و منطقه است.