امامعلی رحمان، رئیس جمهور جمهوری تاجیکستان نسبت به تهدید جدی از سوی افغانستان برای کشورهای مستقل مشترک المنافع هشدار دادند

دوشنبه، 15.10.2021. /”خاور”/. امامعلی رحمان، رئیس جمهور جمهوری تاجیکستان گفتند: بحران نظامی-سیاسی در افغانستان تهدیدی جدی برای امنیت کشورهای مستقل مشترک المنافع است.

رئیس جمهور کشورمان با اعلام این مطلب امروز در سخنرانی خود در جلسه شورای سران کشورهای عضو اتحادیه مستقل مشترک المنافع در قالب یک ویدئو کنفرانس افزودند: بحران نظامی-سیاسی و بشردوستانه در افغانستان تهدیدی جدی برای امنیت کشورهای ما است.
به گفته پیشوای ملت، به قدرت رسیدن طالبان وضعیت را در این دولت همسایه تاجیکستان بیشتر پیچیده کرده است.
در این زمینه، رئیس جمهور جمهوری تاجیکستان معتقد هستند که نیاز به هماهنگی بیشتر نهادهای انتظامی کشورهای ما در مبارزه با چالش ها و تهدیدهای ناشی از افغانستان وجود دارد.
پیش از این، امامعلی رحمان، رئیس جمهور جمهوری تاجیکستان، مکررا، از جمله در سخنرانی ویدئویی خود در 24 سپتامبر در مباحثات عمومی در هفتاد و ششمین نشست مجمع عمومی سازمان ملل متحد اظهار داشتند که باید یک دولت فراگیر در افغانستان تشکیل شود و و تاجیک های قومی که بیش از 46 درصد از جمعیت افغانستان را تشکیل می دهند، به آن شامل شوند.