САХОВАТИ «БАРљИ ТО¶ИК»

                 Душанбе, 29 декабр. (АМИТ «Ховар», Кристина Эрлих). — Бо супориши Президенти ҷумҳурӣ Эмомалӣ Раҳмон рӯзҳои иди Соли нав, аз 31 декабри соли 2009 то 1 январи соли 2010 тамоми минтақаҳои мамлакат бе ягон маҳдудият шабу рӯз бо қувваи барқ таъмин карда мешавад. Дар ин бора аз дафтари матбуоти Ширкати саҳҳомии «Барқи тоҷик» ба АМИТ «Ховар» хабар доданд.                  Дар робита раиси Ширкати саҳҳомии «Барқи тоҷик» Санъат Раҳимов ба роҳбарони хамаи нерӯгоҳҳои барқии Тоҷикистон дастур дод, ки аз ҳамаи захираю имкониятҳо истифода бурда, рӯзҳои ид тамоми минтақаҳои ҷумҳуриро бо қувваи барқ таъмин намоянд.                Хабар дода шуд, ки мутахассисони Маркази танзими Ширкати саҳҳомии «Барқи тоҷик» имкониятҳои таъминоти қувваи барқ дар мамлакатро ҳадафи таҳқиқ қарор доданд. Маълум гардид, ки сатҳи оби обанбори НБО «Норак» айни ҳол нисбат ба ҳамин давраи соли гузашта 15 метр баланд мебошад. Ин имкон медиҳад, ки мамлакат дар давраи зимистон аз рӯи тартиби маҳдудияти муқарраршуда бо қувваи барқ таъмин карда шавад.                 Қайд карда шуд, ки маҳдудияти таъминоти қувваи барқ ба шаҳри Душанбе ва маркази вилоятҳо дахл надорад.