Рустами Эмомалӣ бо ҷараёни корҳои таъсиси беморхонаҳо барои беморони гирифтори коронавирус дар ҳудуди Душанбе шинос шуданд

Май 4, 2020 17:18

ДУШАНБЕ, 04.05.2020 /АМИТ «Ховар»/. Имрӯз Раиси шаҳри Душанбе муҳтарам Рустами Эмомалӣ бо ҷараёни иҷрои корҳои таъсиси беморхонаҳои табобати беморони гирифтори вируси сироятии COVID-19 дар ҳудуди шаҳри Душанбе шинос шуданд.

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, нахуст Рустами Эмомалӣ рафти корҳои сохтмонӣ ва омодагиро дар бинои баландошёнаи сохтмонаш нотамом, ки ҳамчун беморхона барои табобати беморони сироятӣ пешбинӣ шудааст, аз назар гузарониданд.

Маврид ба зикр аст, ки корҳои сохтмонӣ дар бинои мазкур моҳи апрели соли 2018 оғоз гардида, майдони умумии сохтмон масоҳати 10 355 метри мураббаъро ташкил медиҳад.

Бинои мазкур аз 8  (ҳашт) ошёна ва таҳхона иборат буда, дар он  утоқҳо барои қабул ва табобати беморон, утоқҳои кори табибон ва духтурони соҳавӣ, ташхисгоҳ, утоқҳои махсус барои нигоҳдории доруворӣ ва таҷҳизоти тиббӣ, 3 адад лифт, ҳуҷраҳои техникӣ, толори варзишӣ ва маҷлисгоҳ, ошхонаи замонавӣ, утоқҳои шустушӯй  ва дигар иншооти зарурӣ пешбинӣ шудаанд.

Ҳоло дар бино охирин корҳои сохтмонӣ  дар арафаи анҷомёбӣ қарор дорад.

Раиси шаҳр дар ҷараёни боздид аз иншоот мақомоти дахлдор ва масъулини соҳаро вазифадор намуданд, ки бо дарназардошти вазъи имрӯзаи ҷаҳони муосир корҳои сохтмону васлгарӣ ва рангу пардози биноро дар муҳлати 1 моҳ ба анҷом расонда, онро барои муолиҷаи то 200 нафар гирифторони бемориҳои сироятӣ бо тамоми шароити муосири замонавӣ, бахусус мутахассисони баландихтисоси соҳибтаҷриба, таҷҳизоти тиббӣ ва дорувории баландсифат барои истифодабарӣ омода намоянд.

Раиси шаҳр ҷараёни корҳои омодагӣ ва ташкилиро дар беморхонаи дигари табобатии пойтахт   барои бемориҳои сироятӣ, алалхусус, беморони сироятии короновирус-COVID-19  аз назар гузарониданд.

Беморхонаи навбатӣ   дар бинои 6 ошёнаи ҳозиразамон дар масоҳати беш аз 14 200 (чордаҳ ҳазору дусад) метри мураббаъ ҷойгир буда, аз 110 утоқи муолиҷавӣ ва 24 утоқи кори табибон, кабинетҳои доругузаронӣ ва табобатии соҳавӣ, ошхонаи замонавӣ барои 200 нафар дар як вақт ва дигар инфрасохтори зарурӣ иборат мебошад ва дар наздиктарин фурсат бо катҳои хоб ва дорувориву таҷҳизоти тиббии муосир муҷаҳҳаз гардонда мешавад.

Зимни боздид Раиси шаҳр ба роҳбарият ва  масъулини соҳаи тандурустӣ, инчунин дигар сохторҳои дахлдор дастур доданд, ки беморхонаи мазкурро дар муҳлати 3 рӯз барои қабул ва муолиҷаи  600 нафар ашхоси гирифтори бемориҳои сироятӣ бо тамоми анвои доруворӣ, лавозимоти зарурии тиббӣ ва кормандони варзидаи соҳа омода намоянд.

Роҳбарияти мақомоти иҷроияи ҳокимияти давлатии шаҳри Душанбе бо назардошти вазъияти баамаломада тасмим гирифтааст, ки ҷиҳати муолиҷаи беморони сироятёфта дар кӯтоҳтарин муҳлат аз ҳисоби имконияту захираҳои мавҷуда дар ҳудуди шаҳри Душанбе ба таври иловагӣ беморхонаҳои табобатиро бо беш аз 3000 (се  ҳазор) кати хоб бо муҳайё кардани тамоми шароити муосири замонавӣ, бахусус мутахассисони баландихтисоси соҳибтаҷриба, таҷҳизоти тиббӣ ва таъминоти дорувории баландсифат ташкил кунад.

 

Май 4, 2020 17:18

Хабарҳои дигари ин бахш

ПАЙРАВӢ БА ТАШАББУСИ БАШАРДӮСТОНАИ ПЕШВОИ МИЛЛАТ. Раиси шаҳри Душанбе ба 5 ҳазор оилаҳои эҳтиёҷманду камбизоат, маъюбон ва беморон кумаки моддӣ расониданд
Қарори Раиси шаҳри Душанбе «Дар бораи Тартиб ва меъёрҳои пардохт барои додани иҷозати сохтмони бино ва иншоот дар пойтахти Ҷумҳурии Тоҷикистон — шаҳри Душанбе»
ҚАДРДОНӢ АЗ ЗАҲМАТИ ТАБИБОНИ ДУШАНБЕ. Соҳибкори тоҷик дар посух ба иқдомҳои созандаи Пешвои миллат ба 1700 нафар кормандони соҳаи тиб кумак расонид
ТО ИМРӮЗ БЕШ АЗ 512 ҲАЗОР СОКИНОНИ ДУШАНБЕ БА КАРАНТИН ФАРО ГИРИФТА ШУДААНД. Оид ба тадбирҳои андешида ҷиҳати пешгирии бемории сироятии коронавирус дар пойтахт
ГАШТУГУЗОР БЕ НИҚОБ ҚАТЪИЯН МАНЪ АСТ! Идомаи амалиёти профилактикӣ ва фаҳмондадиҳӣ аз ҷониби милитсияи пойтахт
АЗ ИНҲО ИБРАТ ГИРЕД! Кумаки вакили Маҷлиси вакилони халқи шаҳри Душанбе ба сокинони ноҳияи Шоҳмансури пойтахт
«Тоҷикгидроэлектро-монтаж» ба Раёсати тандурустии шаҳри Душанбе ба маблағи 1,5 миллион сомонӣ таҷҳизот кумак намуд
ПАЙРАВӢ БА ИҚДОМҲОИ БАШАРДӮСТОНАИ ПЕШВОИ МИЛЛАТ. Ширкати ватании «Авесто Гурӯҳ» ба Раёсати тандурустии шаҳри Душанбе дар ҳаҷми беш аз 2,5 миллион сомонӣ лавозимоти зарурии тиббӣ кумак расонид
COVID-19: Фаъолияти кошонаҳои ҳусн, нуқтаҳои фурӯши телефон ва шустушӯи мошинҳо то 31 майи соли 2020 манъ карда шуд
ДУШАНБЕ СОЛИ 2021 ПОЙТАХТИ ФАРҲАНГИИ ИДМ МЕГАРДАД. Дар бораи омодагӣ ба ҷаласаи Шӯрои ҳамкории фарҳангии давлатҳои узви ИДМ
МО ДАР ЯКҶОЯГӢ БАР COVID-19 ҒОЛИБ МЕОЕМ! Бо кӯмаки Ӯзбекистон дар Душанбе бемористони сайёр ба истифода дода мешавад
ДУШАНБЕ ТАЙЁРИРО БА ЗИМИСТОНИ ОЯНДА АЗ ҲОЛО ШУРУЪ МЕКУНАД. Раиси шаҳр Рустами Эмомалӣ дар бораи сари вақт омода намудани соҳаҳои иқтисодиёт ва иҷтимоиёти пойтахт ба давраи тирамоҳу зимистони солҳои 2020 – 2021 қарор ба тасвиб расонданд

Маводҳои таҳлилӣ