НИШАСТИ МАТБУОТИИ ВАЗИРИ МАОРИФ

Ба ин мактабҳои олии Русия дар бораи ихтисосҳое дархост фиристода шуд, ки иқтисодиёти Тоҷикистон айни ҳол ба онҳо эҳтиёҷи калон дорад. Қайд карда шуд, ки имрӯз дар Тоҷикистон 28 мактаби олӣ фаъолият дорад. Вазир баъдан дар бораи муваффақиятҳои талабони тоҷик дар олимпиадаҳои ҷумҳуриявию байналхалқӣ сухан ронд. Вай зикр кард, ки соли гузашта дар олимпиадаҳои ҷумҳуриявӣ 95 талаба иштирок дошт, имсол шумораи онҳо ба 158 нафар расид. Аз ин ҷумла, 45 нафар дар олимпиадаҳои гуногун ғолиб омад. Талабагони литсей – интернати муштараки Тоҷикистону Туркия, гимназияи «Ҳотам ва ПВ» ва мактабҳои дигар чӣ дар олимпиадаҳои ҷумҳуриявӣ ва чӣ дар олимпиадаҳои байналхалқӣ фаъолона ширкат меварзанд. Имсол бори аввал дар ҷумҳурӣ аз рӯи ихтисосҳои «Дӯзандагӣ» ва «Васлгарони барқӣ» озмунҳо гузаронида шуданд.