ХИЗМАТРАСОНӢ ЯКХЕЛА НЕСТ

Душанбе, 26 август. (АМИТ «Ховар», Лаззат Диловарзод).-   Дар муассисаҳои статсионарии ҷумҳурӣ 1351 нафар бошандагон фаро гирифта шудаанд, ки аз ин шумора 775 нафар мардон, 596 нафар занҳо ва 222 нафар кӯдакон мебошанд.         Бошандагони ин муассисаҳо бо сару либос, ҷои хоб, хизматрасонии иҷтимоӣ ва тиббӣ таъмин карда шудаанд. Бо фармони вазири меҳнат ва ҳифзи иҷтимоии аҳолӣ  «Дар бораи хароҷоти озуқаворӣ дар муассисаҳои статсионарии  Агентии  давлатии ҳифзи иҷтимоӣ, шуғли аҳолӣ ва муҳоҷират» меъёрҳои хароҷоти  якрӯза барои ҳар як бошанда тасдиқ карда шуд.          Тибқи фармони мазкур, дар як рӯз барои бошандагони калонсол  15,25 сомонӣ, барои кӯдакон  — 20,24 ва барои беморони рӯҳӣ 13,18 сомонӣ муқаррар карда шудааст. Дар истироҳатгоҳу осоишгоҳҳо бошад барои  ҳар як истироҳаткунанда 12,33 сомонӣ маблағ пешбинӣ гардидааст.