МАҶЛИСИ ШӮРОИ ТИҶОРАТИИ СҲШ
Душанбе, 27 август. (АМИТ «Ховар», Темур Бандишоев).- 26 август дар Душанбе маҷлиси Раёсати Шӯрои тиҷоратии Созмони ҳамкории Шанхай баргузор гардид. Дар он муовини аввали сарвазири Тоҷикистон Асадулло Ғуломов, муншии умумии СҲШ Булат Нургалиев, роҳбари ҳайати миллии Тоҷикистон дар Шӯрои тиҷоратии СҲШ Шариф Саид ва дигарон ширкат варзиданд. Ш.Саид дар маҷлис зикр кард, ки вазифаи асосии Шӯрои тиҷоратӣ мусоидат ба вусъати ҳамкории иқтисодӣ дар доираи созмон, ба роҳ модани равобит ва муколамаи мустақими тоҷирону соҳибкорони мамлакатҳои аъзои созмон ва ҷалби онҳо ба ҳамкории тиҷоратию иқтисодӣ мебошад. А. Ғуломов номаи шодбоши Президенти Тоҷикистон Эмомалӣ Раҳмонро ба унвони иштирокчиёни маҷлис қироат кард. Дар он сухан дар бораи хизматҳои шоёни Шӯрои тиҷоратӣ дар масъалаи ба роҳ мондани ҳамкорӣ дар байни мамлакатҳои аъзои созмон сухан меравад. Баъдан дар бораи корҳое маълумот дода шуд, ки дар Тоҷикистон бо ташаббуси ҳайати миллии мамлакат ба сомон расонида шудаанд. Баъди чошт ҳайатҳои миллии мамлакатҳои аъзои созмон дар бораи проблемаҳои мавҷуда ва роҳу усулҳои ҳалли онҳо сухан ронданд. Дар фарҷоми маҷлис протокол имзо карда шуд. Иштирокчиёни маҷлис маълумоти Раиси Шӯрои тиҷоратии СҲШ Д.Мезенсевро дар бораи вазъияти имрӯза ва нақшаҳои равнақу ривоҷи ҳамкории мамлакатҳои аъзои созмон, ҳисоботи роҳбарони ҳайатҳои миллӣ ва суханрониҳои роҳбарони вазорату идораҳои Тоҷикистонро ба инобат гирифтанд. Ба роҳбарони ҳайатҳои миллӣ тавсия дода шуд, ки то 1 октябр аз рӯи 4-5 барнома пешниҳодҳояшонро барои муҳокима ирсол намоянд. Ин барномаҳо бо кӯмаки Шӯрои тиҷоратии СҲШ амалӣ карда мешаванд. Шӯрои тиҷоратӣ тавсиа дод, ки таҷрибаи мусбати ташкили намоишгоҳҳо ва мулоқотҳои тиҷоратӣ дар мамлакатҳои аъзои созмон мавриди истифода қарор дода шавад. Машварати кории Шӯрои тиҷоратии созмон 11 сентябр дар шаҳри Иркутск гузаронида мешавад.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
