МУЛОҚОТИ ХУ СЗИНТАО БО ОҚИЛ ОҚИЛОВ

Душанбе, 27 август. (АМИТ «Ховар», Бекназари Абӯбакр). – Раиси давлати Чин Ху Сзинтао дар доираи боздиди давлатиаш аз Ҷумҳурии Тоҷикистон нимаи дуюми имрӯз, 27 август бо Сарвазири Тоҷикистон Оқил Оқилов мулоқот кард. Дар ҷараёни мулоқот масъалаҳои тавсиаи ҳамкориии ҳукуматҳои Тоҷикистону Чин, заминаҳои нави равобит ва густариши гардиши мол байни ин кишварҳо муҳокима шуданд. Ҷонибҳо аз рушди босуръати ҳамкории дуҷониба изҳори қаноатмандӣ карда, иброз доштанд, ки онро минбаъд дар доираи санадҳои байнидавлатӣ ва созмонҳои байналмилалӣ, аз ҷумла СҲШ густариш хоҳанд дод. Мухбири АМИТ «Ховар» хабар медиҳад, ки Раиси ҷумҳурии мардумии Чин Ху Сзинтао 28 август дар маҷлиси Ҷаласаи 8-уми сарони кишварҳои аъзои Созмони ҳамкории Шанхай иштирок хоҳад кард.