ТАЙЁРӢ БА МУЛОҚОТИ СЕЮМИ ЗИЁИЁНИ ИЛМӢ ВА ЭҶОДКОРИ МАМЛАКАТҲОИ ИДМ
Яке аз ташкилкунандагони он Вазорати маорифи Тоҷикистон мебошад. Мухбири АМИТ «Ховар» аз муовини вазири маориф Ирина Каримова хоҳиш кард, ки дар бораи тайёрӣ ба ин мулоқоти муҳим нақл кунад. И.Каримова зикр намуд, ки мулоқоти имсолаи зиёиёни илмию эҷодкори мамлакатҳои ИДМ идомаи мантиқии ду мулоқоти гузашта мебошад. Ҳадафи асосии он давом додани муколамаи халқҳо ва ҷамъиятҳо дар бораи мавзӯъҳои муҳимтарини соҳаи гуманитарӣ дар мамлакатҳои Иттиҳод аст. Барномаи мулоқотро Дастгоҳи иҷроияи Президенти Ҷумҳурии Тоҷикистон тартиб дода ва тасдиқ намудааст. Дар мулоқот намояндагони созмонҳои илмию фарҳангӣ ва маърифатӣ, инчунин намояндагони воситаҳои ахбори оммавии мамлакатҳои ИДМ, аъзои раёсати Бунёди байнидавлатии ҳамкории гуманитарӣ, намояндагони вазорату идораҳои Иттиҳод, мақомоти иҷроияи ИДМ, Ҷомеаи иқтисодии Евразия, СҲШ, инчунин муншии умумии ЮНЕСКО Коичиро Матсуура ширкат хоҳанд кард. Дар ҷараёни мулоқот гузаронидани маҳфилҳои умумӣ, мавзӯӣ ва алоҳида бахшида ба проблемаҳои илму маориф, дастгирии насли наврас, ҳифзи осори фарҳангӣ, нашри адабиёт, пешрафти соҳаҳои театру кино, мусиқӣ, санъати тсирк, санъати тасвирӣ, меъморӣ, воситаҳои ахбори оммавӣ ва ғайра дар назар дошта шудааст. Дар рӯзҳои мулоқот озмуни адабии шоирони ҷавони мамлакатҳои ИДМ ҷамъбаст карда, Низомнома дар бораи супурдани ҷоизаи «Ситораҳои Иттиҳод» дар соҳаҳои илм, маориф, фарҳанг, ҳунар, фаъолияти гуманитарию ҷамъиятӣ, ташкили намоишгоҳҳо ва ғайра баррасӣ карда мешавад. Ҳамаи тадбирҳои банақшагирифташуда дар толорҳои беҳтарини пойтахти Тоҷикистон – Кохи Ваҳдат, Кохи Борбад ва Қасри нави ҷавонон баргузор хоҳанд гашт. Инчунин барои журналистон нишасти матбуотӣ ташкил карда мешавад. Дар фарҷоми мулоқот қатъномаи ниҳоӣ қабул карда хоҳад шуд. Интизор меравад, ки намояндагони зиёиёни мамлакатҳои ИДМ нақшаи тадбирҳои асосии ҷашни Ғалабаро дар Ҷанги Бузурги Ватанӣ маъқул мешуморанд. Дар хотима маҳалли гузаронидани мулоқоти чоруми зиёиёни илмию эҷодкори мамлакатҳои ИДМ дар соли 2009 муҳокима карда хоҳад шуд.
Дар ҳошияи Соли фарҳанги китобхонӣ маҷмӯаи «Нома ба насли оянда» аз чоп баромад
Таҳти унвони «Забон, Ваҳдат ва суботи миллӣ» конференсияи илмию амалии ҷумҳуриявӣ доир шуд
Бахшида ба Рӯзи Ваҳдати миллӣ дар Саридораи геология ҳамоиш баргузор гардид
Дар Донишгоҳи технологии Тоҷикистон бахшида ба Рӯзи Ваҳдати миллӣ конфронси илмӣ-назариявӣ доир шуд
Бахшида ба Рӯзи Ваҳдати миллӣ китоби «Ваҳдатсаро» ба нашр расид
Кормандони Кумитаи ҳолатҳои фавқулода ва мудофиаи гражданӣ ҳаёти 16 нафарро ҳангоми ғарқшавӣ аз марг наҷот доданд
Дар Душанбе сеюмин Форуми Тоҷикистон ва Чин оид ба таҳсилоти муҳандисӣ-техникӣ доир шуд
Сулҳи тоҷикон барои давлатҳои ҷаҳон ҳамчун таҷриба пазируфта шудааст
Дар Донишкадаи давлатии фарҳанг ва санъати Тоҷикистон Рӯзи Ваҳдати миллиро ҷашн гирифтанд
Имрӯз дар ноҳияҳои кӯҳии Тоҷикистон ҳаво то 31 дараҷа гарм мешавад
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
