100 ҲАЗОР ТОННА ПАХТА ТАЙЁР

Душанбе, 15 сентябр. (АМИТ «Ховар», Бекназари Абӯбакр). — Пахтакорони ҷумҳурӣ имсо, тибқи нақша бояд 552 ҳазору 500 тонна пахта ҷамъоварӣ намоянд. Бино ба маълумоти Вазорати кишоварзии Ҷумҳурии Тоҷикистон, ба марказҳои қабул то имрӯз 104 ҳазору 653 тонна пахта супорида шуд, ки 18,9 фоизи иҷрои нақшаро ташкил медиҳад. дирӯз дар ҷумҳурӣ 7255 тонна пахта ҷамъ оварда шуд. Аз маркази матбуот ва иттилооти вазорати кишоварзӣ ба мухбири АМИТ «Ховар» хабар доданд, ки кишоварзони вилояти Хатлон то имрӯз 89 ҳазору 17 тонна пахтаи маҳиннах ҷамъ оварданд. Дар ин ҷо дар як рӯз 5 ҳазору 370 тонна пахта ҷамъ оварда шуд. Кишоварзони ноҳияҳои Қубодиён аз аввали мавсим 8924 тонна, Ёвон 8924 тонна, Бохтар 8220 тонна, Абдураҳмони Чомӣ 5956 тонна, Восеъ 7706 тонна пахта ҷамъ оварда, алҳол дар вилоят ва ҷумҳурӣ пешсаф мебошанд. Кишоварзони вилояти Суғд то имрӯз 7174 тонна пахта ҷамъ оварданд. Кишоварзони ноҳияҳои Конибодом ва Ашт дар сафи пеши чиниши пахта қарор доранд. Тибқи маълумоти фаврӣ оид ба ҷамъоварии пахта кишоварзони ноҳияҳои тобеи марказ то имрӯз 8462 тонна «тиллои сафед» ба даст оварданд. Ҷамъоварии пахта давом дорад.