БАРНОМАИ РУШДИ ЗАНБӮРИАСАЛПАРВАРӢ

           Душанбе, 2 сентябр. (АМИТ «Ховар, Лаззат Диловарзод).- Ҳукумати Ҷумҳурии Тоҷикистон соли 2005 аз ҳисоби буҷа баҳри рушди соҳаи занбӯриасалпарварӣ 300 ҳазор сомонӣ ҷудо намуд,ки ин иқдоми аввалин дар пешрафти соҳа гардид. Сипас, «Барномаи барқарорсозӣ ва рушди соҳаи занбӯриасалпарварӣ дар Ҷумҳурии Тоҷикистон барои солҳои 2006-2010» қабул гардид. Дар асоси Қарори Ҳукумати Ҷумҳурии Тоҷикистон аз 2-юми майи соли 2008 Корхонаи воҳиди давлатии занбӯриасалпарварӣ — «Асали Тоҷикистон» таъсис дода шуд.           Бояд тазаккур дод, ки соҳаи занбӯриасалпарварӣ яке аз соҳаҳои камхарҷ ва сердаромад мебошад,ки барои паст кардани сатҳи камбизоатии аҳолӣ дар ҷумҳурӣ мавқеи хоса дорад.