ДАР ТОҶИКИСТОН ҶАМЪ ОВАРДАН ВА БА ХОРИҶА ФИРИСТОДАНИ ШИРАИ КАМОЛ МАНЪ КАРДА ШУД

Душанбе, 22 сентябр. (АМИТ «Ховар»).- Бо фармони Президенти Ҷумҳурии Тоҷикистон Эмомалӣ Раҳмон дар қаламрави мамлакат ҷамъоварии шираи камол ва ба хориҷа фиристодани он манъ карда шуд. Дар робита ба Ҳукумати ҷумҳурӣ супориш дода шуд, ки барои коркарди пурраи шираи то имрӯз ҷамъовардашудаи камол ва дар намуди маҳсулоти тайёр ба хориҷа фиристодани он тадбирҳо андешида, масъалаи хариди асбобу анҷом, таҷҳизоти зарурӣ ва технологияи ба роҳ мондани истеҳсоли дору аз шираи камол, инчунин васеъ кардани киштзори он дар минтақаҳои мамлакат бо мақсади парвариши камол тадбирҳо андешида, дар мӯҳлати се моҳ лоиҳаи қонунҳоро дар бораи ворид сохтани тағйироту иловаҳо ба Кодексии ҷиноии Ҷумҳурии Тоҷикистон ва Кодекси Ҷумҳурии Тоҷикистон дар бораи муқаррар намудани ҷавобгарии ҷиноӣ ва қатъитар намудани ҳуқуқвайронкунии маъмурӣ дар бораи таъини ҷавобгарии ҷиноӣ ва ҷазои маъмурӣ барои ғайриқонунӣ ҷамъ овардани шираи камол таҳия карда ба муҳокимаи Маҷлиси намояндагони Маҷлиси Олии ҷумҳурӣ пешниҳод намояд.