ХОҶАГИҲОИ ЗАРАРОВАР

          Душанбе, 3 сентябр. ( АМИТ «Ховар», Лаззат Диловарзод).- Дар асоси маълумоти фаврии Раёсати растанипарварии ҷумҳурӣ ду вилоят ва 23 ноҳия аз ҳосили миёнаи ғаллаи рӯёндашудаи ҷумҳурӣ аз 2 то 10 маротиба камтар ҳосил гирифтанд. Ба гурӯҳи ноҳияҳое, ки ҳосили ба даст овардаашон аз ҳосили миёнаи ноҳияҳои дигари ҷумҳурӣ куллан фарқ мекунад, ноҳияҳои Рӯшон (6,4 сен / га ) , Ванҷ 12,8 сен/ га , дар вилояти Мухтори Кӯҳиистони Бадахшон, Мастчоҳи кӯҳӣ ( 2,5 сент / га ) , Мастчоҳ (4 сен /га), Зафаробод 5,7 сен/ га ) , Ғончӣ (6,5 сен/ га ), Айнӣ (6,9 сен /га) дар вилояти Суғд,Фархор (9,8 сен/га) , Норак (9,4 сен /га ) аз вилояти Хатлон, Варзоб (6,8 сент /га ), Файзобод ( 12,2 сент /га) аз ноҳияҳои тобеи ҷумҳурӣ ҳосили ба даст овардаашон хароҷоти техника ва сӯзишвориро бароварда наметавонанд. Бо чунин андоза бардоштани ҳосил, танҳо бар зарари хоҷагиҳост.