ИСТЕҲСОЛИ МАҲСУЛОТИ САНОАТӢ ЗИЁД, КИШОВАРЗӢ КАМ

Душанбе, 29 сентябр.(АМИТ «Ховар», Лаззат Диловарзод).-Бино ба маълумоти Кумитаи давлатии омор, дар корхонаҳои Вазорати энергетика ва саноати Ҷумҳурии Тоҷикистон дар давоми 8 моҳи соли ҷорӣ ба маблағи 782,8 млн. сомонӣ маҳсулоти саноатӣ истеҳсол карда шудааст, ки нисбат ба сатҳи соли гузашта 4,4 фоиз зиёд аст. Дар корхонаҳои Вазорати кишоварзӣ бошад баръакс, дар 8 моҳи соли ҷорӣ ба маблағи 198,4 млн. сомонӣ маҳсулоти саноатӣ истеҳсол карда шудааст, ки нисбат ба ҳамин давраи соли гузашта 28,9 фоиз кам аст. Аз рӯи тақсимоти минтақавӣ дар тӯли 8 моҳи соли ҷорӣ ҳамаи корхонаҳои вилоятҳо ва шаҳри Душанбе ҳаҷми истеҳсоли маҳсулоти саноатиро таъмин карданд. Дар ноҳияҳои тобеи ҷумҳурӣ бошад, нишондиҳандаҳои асосии саноат ҳамагӣ 98,1 фоиз иҷро шуд.