ОЗМУНИ ВИЛОЯТИИ ОЛИМОНИ БЕҲТАРИН ҶАМЪБАСТ КАРДА ШУД

Хуҷанд, 19 сентябр. (АМИТ «Ховар», Санавбар Мақсудова).- Дар шаҳри Хуҷанд озмуни вилоятии олимони беҳтарин ҷамъбаст карда шуд. Ба ғолибони озмун ҷоизаҳои ба номи Камоли Хуҷандӣ дар соҳаи адабиёт ва ҳунар ва ба номи Бобоҷон Ғафуров дар соҳаҳои илму техника супорида шуданд. Нависанда Мубинҷон Юсуфов барои китоби «Ситораҳо дар осмони ориёӣ», коргардон Ориф Набиев барои таҳияи намоишномаи ҷамъомадҳои идона, муҷассамасоз Даврон Раҳматов барои офаридани муҷассамаи қаҳрамони халқи тоҷик Темурмалик ва олимони Донишгоҳи давлатии Хуҷанд Рустам Юлдошев ва Ҳабибулло Тоатов барои асари илмии «Хатлон» дар масири таърих» сазовори ҷоизаи ба номи Камоли Хуҷандӣ гардиданд. Ба олимону омӯзгорони Донишгоҳи давлатии Хуҷанд Наимҷон Рауфов, Камолиддин Қозиев ва Мақсудҷон Умаров ҷоизаи илмии ба номи Б. Ғафуров дода шуд. Мухбири АМИТ «Ховар» хабар медиҳад, ки ҷоизаҳо ва мукофотҳои пулиро ба ғолибон раиси вилояти Суғд Қ.Расулзода супорид.