СЕМИНАРИ МАШВАРАТӢ ДАР МАВЗӮИ КИШТИ ТАКРОРӢ

Душанбе, 12 сентябр. (АМИТ «Ховар», Бекназари Абӯбакр). — Барои дар мӯҳлати муайян ва дар шароити мусоиди агротехникӣ, хушсифат ва сари вақт гузаронидани кишти тирамоҳии зироатҳои ғалладона ва гузоштани заминаи устувор барои ҳосили соли 2009, фармони вазири кишоварзии Ҷумҳурии Тоҷикистон аз 25 августи соли ҷорӣ ба имзо расид. Дар маркази матбуот ва иттилооти вазорати кишоварзӣ ба АМИТ «Ховар» хабар доданд, ки бо ин мақсад 12 сентябри соли ҷорӣ дар ноҳияи Бобоҷон Ғафурови вилояти Суғд семинари машваратӣ дар мавзӯи «Кишти ғаллаи тирамоҳӣ дар вилояти Суғд» баргузор гардид. Дар семинар олимону мутахассисони соҳаи кишоварзии ҷумҳурӣ иштирок намуданд. Директори Пажӯҳишгоҳи «Зироаткорӣ»-и Академияи илмҳои кишоварзӣ С.Т. Саидов ва мудири шӯъбаи ҳифзи растании Пажиҳушгоҳи «Зироаткорӣ» дар мавзӯъҳои муҳимтарини соҳа маърӯза карданд. Чунин семинарҳои машваратӣ дар вилояти Хатлон, ноҳияи Ҳисор ва водии Рашт низ гузаронида мешаванд.