СОЛИ ФАРОВОНҲОСИЛӢ

Душанбе, 18 сентябр. (АМИТ «Ховар», Лаззат Диловарзод).- Тибқи маълумоти аз маркази матбуот ва иттилооти Вазорати кишоварзӣ ба даст омада, ноҳияҳои тобеи ҷумҳурӣ бештар аз 8 ҳазор тонна пахта ҷамъоварӣ намуданд. Боиси ёдоварист, ки дар асоси дурнамои истеҳсолӣ, соли ҷорӣ дар ноҳияҳои тобеи ҷумҳурӣ 48 ҳазору 500 тонна пахта ҷамъоварӣ мегардад. Ҳар рӯз дар ин ноҳияҳо аз 120 то 175 тонна пахта чида мешавад. То 15 сентябр ноҳияи Турсунзода ба миқдори 2 ҳазору 109 тонна Ҳисор — 3526, Рӯдаки — 575, Шаҳринав -716 ва ноҳияи Ваҳдат 1 ҳазору 536 тонна пахта ҷамъоварӣ намуданд, ки ин 17,4 фоизи иҷрои нақшаро таъмин менамояд.