СОЛИ ТАҲСИЛ ОҒОЗ ЁФТ

            Душанбе, 2 сентябр. (АМИТ «Ховар», Людмила Дубинина). — Раиси комиссияи қабули Донишгоҳи славянии Тоҷикистону Русия, мудири кафедраи журналистикаи донишгоҳ Нуралӣ Солеҳов ба мухбири АМИТ «Ховар» хабар дод, ки имсол ба курсҳои аввали донишгоҳ 640 нафар донишҷӯ қабул карда шуд. Қабл аз оғози давраи имтиҳонсупорӣ ба ҳамаи факултаҳои донишгоҳ 1560 нафар ҳуҷҷат супорид. Аз ҷумлаи дохишудагон 260 нафар дар асоси қарордод қабул карда, 380 нафари дигар ба шӯъбаҳои буҷетӣ дохил шуданд.           Теъдоди хоҳишмандон ба факултаҳои иқтисодӣ, шӯъбаҳои муносибатҳои байналхалқӣ, ҳуқуқшиносӣ ва журналистика нисбатан зиёд буд. Умуман имсол ба ҳар як ҷой то 3 нафар ариза дод. Ба қавли Н.Солеҳов, аз байни довталабон донишҷӯёни арзанда ба донишгоҳ қабул гардиданд.