ВАРЗИШГАРОНИ ТОҶИК ДАР БОЗИҲОИ ОЛИМПИИ МАЪЮБОНИ ПЕКИН ШИРКАТ МЕВАРЗАНД

           Душанбе, 1 сентябр. (АМИТ «Ховар», Пайрав Назаров). — Имрӯз дастаи мунтахаби олимпии Тоҷикистон дар ҳайати ду нафар варзишгар барои иштирок дар Бозиҳои олимпии маъюбон ба Пекин рафт. Намояндагони Тоҷикистон дар Бозиҳои олимпӣ аз рӯи намуди вазнбардорӣ иштирок мекунанд. Раиси Кумитаи параолимпии Тоҷикистон Сафар Боев ба мухбири АМИТ «Ховар» хабар дод, ки шарафи варзиши Тоҷикистонро дар Пекин Зайтуна Розиқова ва Хайрулло Абдураҳимов ҳимоя хоҳанд кард.          Бозиҳои 13 — уми олимпии маъюбон дар Пекин аз 6 то 17 сентябр давом мекунад. Дар он аз 150 мамлакати ҷаҳон қариб 4 ҳазор варзишгар аз рӯи 20 намуди варзиш қувваозмоӣ мекунанд. Ширкати «Ориан групп» — и Аморатҳои Муттаҳидаи Араб барои рафту омади варзишгарони тоҷик ба Пекин ва иштироки онҳо дар олимпиада маблағ ҷудо кард.         Тарҷумон — Қудратов А.