ЗАНБӮРИ ЗОТИ КАРПАТӢ

            Душанбе, 3 сентябр. ( АМИТ «Ховар», Лаззат Диловарзод).- Соли ҷорӣ аз ҳисоби буҷаи ҷумҳурӣ барои дастгирии соҳаи занбӯриасалпарварӣ 300 ҳазор сомонӣ ҷудо карда шуд. Айни замон 600 оилаи занбӯри асал ва асбобу анҷомҳои барои парвариши занбӯри асал зарур харидорӣ ва дастраси занбӯриасалпарварони ноҳияҳои Балҷувон , Шӯрообод, Мӯъминобод, Дарвоз, Рашт, Тавилдара, Файзобод. Айнӣ ва Шаҳристон гардонида шуданд. Ёдовар мешавем, ки бо дастгирии Ҳукумати Ҷумҳурии Тоҷикистон соли 2006- 200 оилаи занбӯри асал соли 2007 — 400 оилаи занбӯри асал ва 100 адад модарзанбӯри зоти карпатӣ ва асбобу анҷоми занбӯриасалпарварӣ харидорӣ карда шуда буд.