ҚОТИЛИ М. ОЛИМПУР БА МӮҲЛАТИ ТӮЛОНӢ АЗ ОЗОДӢ МАҲРУМ ШУД
Душанбе, 7 октябр. (АМИТ «Ховар», Мавҷуда Давлатзода).- Суди Олии ҷумҳурӣ қотили корманди радиои «Би-Би-Си» Муҳиддин Олимпур — Насруллоҳ Шарифовро ба мӯҳлати 15 сол аз озодӣ маҳрум намуд. Ғайр аз ин, бо ҳукми суд молу мулки Н.Шарифов мусодира карда мешавад. Худи Н. Шарифов дар ҷараёни мурофиа ба гуноҳаш иқрор шуда, зикр намуд, ки М.Олимпурро шахсан бо туфангчаи Макаров парронда куштааст. Суд номбурдаро ба амалиёти террористӣ, ташкили гурӯҳи муташаккили ҷинояткор, ҳуҷум ба корхонаю муассисаҳо ва шахсони алоҳида гунаҳкор намуд. Н.Шарифов мувофиқи ҳукми суд, панҷ соли аввалро дар ҳабсхона ва 10 соли боқимондаро дар маҳбаси режимаш сахт мегузаронад. Мухбири АМИТ «Ховар» ёдовар мешавад, ки Муҳиддин Олимпур 12 декабри соли 1995 дар Душанбе ҳадафи ҳуҷуми гурӯҳи террористон қарор гирифта буд. Суди Олии ҷумҳурӣ соли 2003 сокинони шаҳри Ваҳдат Адҳам Тоиров ва Назрибек Давлатовро ба қатли М. ОЛимпур гунаҳкор дониста, аз озодӣ маҳрум карда буд. Вобаста ба ҳамин ҷиноят соли 2007 шаҳрванди дигари Тоҷикистон Аслам Усмонов ба мӯҳлати 15 сол аз озодӣ маҳрум шуд. Насрулло Шарифов баъди куштори Олимпур ба Федератсияи Русия фирор карда буд. Мақомоти муҳофизи қонуни Русия ӯро дар шаҳри Санкт- Петербург барои талаю тороҷ ба мӯҳлати 7 сол ҳабс карда буданд. Мувофиқи дархости Прокуратураи генералии Тоҷикистон Н. Шарифов ба мақомоти дахлдори ҷумҳурӣ супорида шуд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
