БАРҚ ДАР ГАРДИШИ САВДОИ ХОРИҶӢ

        Душанбе, 8 октябр. (АМИТ «Ховар». Лаззат Диловарзод).- Ҳиссаи қувваи барқ дар гардиши савдои хориҷӣ 3,3 фоизро ташкил кард. Аз рӯи маълумоти таъҷилии Ширкати давлатии саҳомии Холдингии «Барқи тоҷик» дар давоми 8 моҳи соли ҷорӣ содироти қувваи барқ 3251,8 млн. кВт. соат ё 44,2 млн. долларро ташкил дод. Гуфтан ҷоиз аст, ки воридоти қувваи барқ 3680,2 млн. кВт.соат ё 60,0 млн. долларро ташкил кард. Ба тарзи дигар агар гуфтан ҷоиз бошад, воридоти қувваи барқ аз содироти он 35,6 фоиз ё 15,8 млн. доллар зиёд аст. Шарики асосии тиҷоратӣ оид ба амлиёти содироту воридоти қувваи барқ бо Тоҷикистон Ҷумҳурии Ӯзбекистон мебошад. Дар моҳҳои январ – августи соли ҷорӣ воридоти қувваи барқ 2769,6 млн. кВт. соат буда, маблағи он баробари 41,5 млн. доллар мебошад.