ДАР СУҒДУ ПАНҶ МИНТАҚАИ ОЗОДИ ИҚТИСОДӣ КУШОДА МЕШАВАД

               Душанбе, 27 октябр.(АМИТ «Ховар», Марзия Саидова).-Лоиҳаи Қонунҳои Ҷумҳурии Тоҷикистон «Оид ба ворид намудани илова ба Қонуни Ҷумҳурии Тоҷикистон «Дар бораи рӯзҳои ид», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи сарватҳои зеризаминӣ», «Дар бораи ба қайдгирии асноди ҳолати шаҳрвандӣ», «Дар бораи омори давлатӣ», «Дар бораи мусоидат ба шуғли аҳолӣ», «Дар бораи фаъолияти хусусии тиббӣ», «Оид ба лоиҳаи Қонуни Ҷумҳурии Тоҷикистон «Дар бораи карантини растанӣ», «Оид ба лоиҳаи Қонуни Ҷумҳурии Тоҷикистон «Дар бораи санадҳои меъёрию ҳуқуқӣ» аз масъалаҳои умдае буданд, ки дар ҷаласаи Шӯрои Маҷлиси намояндагони Маҷлиси Олии мамлакат 27 октябр баррасӣ шуданд.               Раисони Кумитаҳои палатаи поёнии парлумони мамлакат Абдураҳмон Азимов, Мирзошариф Исломиддинов, Маҳбуба Нуриддинова, Гулчеҳра Бозорова, Акрамшо Фелалиев ва Сафаралӣ Раҷабов роҷеъ ба масъалаҳои зикргардида, ибрози назар намуда, муҳимияти онҳоро шарҳ доданд.               Дар ҷаласаи Шӯро ҳамчунин лоиҳаи Қарорҳои Маҷлиси намояндагони Маҷлиси Олии Ҷумҳурии Тоҷикистон «Дар хусуси Низомномаи минтақаи озоди иқтисодии «Панҷ», «Оид ба Низомномаи минтақаи озоди иқтисодии «Суғд», Дар хусуси тасдиқи Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин оид ба канорагирӣ аз андозбандии дукарата ва пешгирӣ намудани саркашӣ аз супоридан андозҳо аз даромад ва сармоя муҳокима гардиданд.