ИСТИФОДАБАРАНДАГОНИ ГАЗУ БАРҚ 80 МИЛЛИОН СОМОНӢ ҚАРЗДОРАНД

        Хӯҷанд, 8 октябр. (АМИТ «Ховар», Санавбар Мақсудова).- Муовини аввали прокурори вилояти Суғд, иҷрокунандаи вазифаи прокурори вилоят Музаффар Боқиев дар ҷараёни нишасти матбуотии бахшида ба натиҷаҳои 9 нӯҳ моҳи соли равон зикр намуд, ки қарзи истифодабарандагони қувваи барқ дар миқёси вилоят то 1 сентябр ба 80,8 миллион сомонӣ расид. Аз ин маблағ 7,5 миллион сомонӣ қарзи аҳолӣ ва 73,3 миллион сомонӣ қарзи корхонаю муассисаҳо мебошад. Инчунин қарзи гази табиии истифодашуда низ дар вилоят хеле калон аст. Қарзи умумии гази истифодашуда то 1 сентябр 45,2 миллион сомониро ташкил медиҳад. Дар ин муддат дар натиҷаи дахолати мақомоти прокуратура аз ҳисоби андоз ва боҷи гумруки пардохтанашуда 9,8 миллион сомонӣ ба хазинаи давлат бар гардонида шуд.