КАМИССИЯИ ДАВЛАТӢ ҚАБУЛ НАМУД

             Душанбе, 31 октябр. (АМИТ «Ховар», Лаззат Диловарзод).- Дар Академияи илмҳои кишоварзӣ ба мухбири АМИТ «Ховар» иттилоъ доданд, ки аз тарафи Комиссияи давлатии озмоишии навъҳои зироатҳои кишоварзӣ ва муҳофизати навъҳо, навъи ноки (бо номи шартӣ) «Зарнисор» ва навъи шафтолуи «Гули зард» қабул карда шуд.             Пажӯҳишгоҳи боғдорию сабзавоткорӣ аз рӯи аломатҳои маҷмӯи биологию хоҷагидорӣ навъи ноки «Зарнисор», шафтолуи навъи «Лаъл», себи навъи «Зардсеби тирамоҳӣ» ва чормағзи «ФТ-6/26»-ро ба Комиссияи давлатии озмоишии навъҳои зироатҳои кишоварзӣ ва муҳофизати навъҳои Вазорати кишовазии ҶТ барои омӯзиш ва минтақабоб гардонидан ҷудо намуд.             Ба комиссияи мазкур ду навъи картошка («Мӯъминобод») ва («Файзобод»), ки дар натиҷаи фаъолияти муштараки олимони Пажӯҳишгоҳи боғпарварию сабзавоткорӣ ва Пажӯҳишгоҳи физиологияи растаниҳо ва генетикаи Академияи илмҳои кишоварзии Тоҷикистон ба вуҷуд оварда шудаанд, супорида шуданд.