КАМШАВИИ БОРКАШОНӢ ДАР РОҲИ ОҲАН

               Душанбе, 24 октябр. (АМИТ «Ховар», Лаззат Диловарзод).- Ҳини ҷамъбасти фаъолияти нӯҳмоҳа дар корхонаи воҳиди давлати (КВД)-и «Роҳи оҳани Тоҷикистон» аз кам шудани ҳаҷми боркашонии нақлиёти роҳи оҳан сухан рафт.              Дар давоми нӯҳ моҳи соли равон ҳаҷми боркашонии роҳи оҳан нисбат ба ҳамин давраи соли гузашта 169,9 ҳазор тонна кам шудааст.             Дар ин муддат тавассути нақлиёти роҳи оҳан 9347,9 ҳазор тонна бор кашонида шудааст, ки ин нисбат ба ҳамин давраи соли 2007- 98,2 фоизро ташкил медиҳад.             Хаҷми боркашонӣ дар қитъаи роҳи оҳани вилояти Суғд-6795,4 ҳазор тонна, дар қитъаи душанбегии роҳи оҳан дар якҷогӣ бо ноҳияҳои тобеи ҷумҳурӣ-2219,2 ҳазор тонна ва дар қитъаи роҳи оҳани вилояти Хатлон-133 ҳазор тонна ё баробари 3,6 фоиз бор кашонида шудааст.