КОРХОНАҲОИ МУШТАРАК

             Душанбе, 29 октябр. (АМИТ «Ховар», Лаззат Диловарзод).- Тибқи маълумоти Вазорати иқтисод ва савдои Ҷумҳурии Тоҷикистон, айни замон дар Ҷумҳурии Тоҷикистон беш аз 60 корхонаҳои муштарак бо иштироки мутахассисони Тоҷикистону Россия фаъолият доранд.             Мавриди зикр аст, ки миёни корхонаҳои фаъол, калонтарин корхонаҳои муштарак, аз қабили «Алмаз-Азия», «Евразия- текстил», «Интермебел», ҶСШК «Кони намак», ки маҳсулоти истеҳсолкардаи онҳо ба садҳо миллион сомонӣ мерасад, ҳамкориҳои худро дар риштаҳои иқтисодӣ давом медиҳанд.             Ҳамкориҳои иқтисодии Тоҷикистон бо шаҳри Санкт-Петербург, вилояти Оренбуг, кишвари Олтой, шаҳри Москва, вилоятҳои Свердловск, Челябинск, Самара ва Ҷумҳурии Бошқирдистон натиҷаҳои хуб доранд.             Дар назар аст, ки ҳамкориҳо бо ин шаҳру вилоятҳо дар соли 2009 дар сатҳи боз ҳам баландтар ба роҳ монда мешаванд.