КУРСҲОИ БОЗОМӮЗӢ

                       Душанбе, 31 октябр. (АМИТ «Ховар», Лаззат Диловарзод).- Шӯъбаҳои ҳифзи иҷтимоии аҳолии баъзе шаҳру ноҳияҳо дар мӯҳлати муайяншуда бозҳисобии нафақаро таъмин карда натавонистанд, — иброз дошт муовини вазири меҳнат ва ҳифзи иҷтимоии аҳолии Ҷумҳурии Тоҷикистон Сангинов Э.Н. ба мухбири АМИТ «Ховар».                       Ҷамъбасти бозҳисобӣ баъди Фармони Президенти Ҷумҳурии Тоҷикистон аз 20 июни соли 2008 «Дар бораи тадбирҳои тақвият додани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии кормандони муассисаю ташкилотҳои буҷетӣ, андозаи нафақаҳо ва стипендия » нишон дод, ки шӯъбаҳои ҳифзи иҷтимоии аҳолии аксарияти шаҳру ноҳияҳо аз Барномаи бонки асноди нафақавии нави пешниҳоднамудаи шӯъбаи технологияи иттилоотии Вазорати мазкур истифода намебаранд. Бинобар и, Муассисаи давлатии «Курсҳои такмили ихтисос ва бозомӯзии кормандони системаи меҳнат ва ҳифзи иҷтимоии аҳолӣ», масъалаи бозомӯзии Барномаи бонки асноди нафақавии навро дар курсҳо ба нақша гирифтанд.