МУНОСИБАТҲОИ ДИПЛОМАТИИ ТОҶИКИСТОН БО СОИРИ КИШВАРҲОИ ХОРИҶИ ТАВСИА МЕЁБАД

           Душанбе, 15 октябр. (АМИТ «Ховар», Марзия Саидова).- 15 октябр дар ҷаласаи навбатии иҷлосияи панҷуми Маҷлиси намояндагони Маҷлиси Олии ҷумҳурӣ Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Беларус дар бораи андози арзиши иловашуда, ки намояндагиҳои дипломатӣ ва намояндагиҳои ба онҳо баробаркардашуда мепардозанд, тасдиқ гардид.           Ин санад 18 апрели соли 2008 дар пойтахти Беларус шаҳри Минск ба имзо расида, аз дебоча ва чор модда иборат аст. Созишнома дар рушди муносибатҳои дӯстона ва таҳкими ҳамкориҳои дипломатии Тоҷикистону Беларус нақши муассир мегузорад.            Вакилони палатаи поёнии парулмони мамлакат ҳамчунин Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Исломии Покистон дар бораи рафту омади бераводид бо шиносномаҳои дипломатӣ ва Протокол оид ба ворид намудани тағйирот ба Шартнома дар бораи таъсис додани Иттиҳоди иқтисодии Евразияро тасдиқ намуданд.